_MaksI_ [Off] (09.12.2013 / 11:33)
Nə danışım ondan sənə?!
Az qəlbinde onu danla,
Birdəfəlik dərk et, anla
Sevmədiyi bir insanla,
Qəlbinə yad bir oğlanla,
Məcburi toyla, nişanla
Kədərli bir toyu olub
Yanaqları dərddən solub,
Nə əvvəlki gülüş qalıb,
Nə parlayan gözlər qalıb,
Səni tez-tez yada salıb,
Dəfələrlə gözü dolub
Hərəkətsiz dayanmağı,
Bəhanəydi utanmağı.
Qonaqlara qaynamayıb,
Əl qaldırıb oynamayıb
Hətta gəlin havasına,
Vağzalının sədasına,
Ata xeyir duasina
Tir-tir əsirmiş bədəni
Gizlin, hünərsiz-hünərsiz,
Yenə özundən xəbərsiz
Gözləri gəzirmiş səni
Desə də unutsun məni,
Yenə umid bağlayıbmiş.
Sənin sonsuz məhəbbətin,
Odlu-alovlu həsrətin
Yaziğa cəkdirib nələr?!
Ən azı səninki qədər
Ürəyini dağlayıbmış,
Hönkürtüylə ağlayıbmış.
Nə fayda var, bundan sənə?!
Nə danışım ondan sənə?!
Olan olub, keçən keçib,
O məcbur bu yolu seçib
O ki, şərbət masasında
Sənsizliyi dadıb, içib!
Daha sənin ürəyindən
Yad ocağa gəlin köçüb!
Qucağında körpəsi var,
Yanında bir özgəsi var.
Bilmək olmaz, yaxşı ya pis,
Öz evi, öz ailəsi var!
Qayğıları çoxdu daha,
O şıltaqlıq yoxdu daha.
Duymur sənin sorağını,
Puç edib hər marağını,
Söndürüb eşq ocağını,
Özgə evdə çıraq tutub,
Hər dərdin uşaq ovudub
Və... Və səni coxdan unudub!
Bu sözumdən sonra yenə
Nə danışım ondan sənə?
Nə danışım ondan sənə!...