Ardarazli [Off] (20.02.2014 / 22:58)
Sovet İttifaqı Qəhrəmanı adına
layiq görülmüş ilk azərbaycanlı
İsrafil Məmmədov Gəncədə
müharibəyə yollanmazdan əvvəl
bir çox kriminal hadisələrdə
iştirak edir. Əsasən Xan bağında
baş verən kütləvi davalarda,
ərazilərin nüfuz dairələri üzrə
bölünməsi kimi məsələlərdə
iştirak edən İsrafil daim zülmə
məruz qalan insanların tərəfində
durub. Yeniyetmə yaşlarında tez-
tez qonşularını döydüyü üçün
daim anası Gülsüm arvada
şikayətlər edilirdi. Edilən
şikayətlərdən, polis bölmələrinə
get-gəldən bezdən Gülsüm
oğlunun şəhərdən uzaqlaşması
üçün Moskvaya getməsinə razı
olur.
Rus-Fin müharibəsinə qoşulan
İsrafil oradanda II Dünya
müharibəsinə yollanır və Pustika
kəndi yaxınlığında gedən qızğın
döyüşlərdə 70 alman əsgərini
öldürür. Bu qəhramanlığa görə
İsrafilə Sovet İttifaqı Qəhramanı
adı verilir və bu münasibətlə onun
yaşadığı ünvana vağzal küçəsi, 39
nömrəli evə gəlirlər. Verilən ilk sual
qəhramanın bu ünvanda yaşaması
ilə bağlı olur.
Qapıda saysız milis maşınları,
poqonlu şəxsləri görən Gülsüm
arvad oğlunun qəhrəmanlığında
n xəbər tutmamışdı. İsrafilin
“oralarda” da dinc dayanmadığını
zənn edən Gülsüm xala, “Yox,
tanımıram” deyir. . Sonra qızlarına
danışırmış ki, əvvəlcə elə bilib
İsrafil “urusetdə” kimisə öldürüb,
ona görə qapılarına bu qədər
milis gəlib. Ona əvvəlcə deyəndə
ki, oğlun 70 nəfəri öldürüb,
Gülsüm arvadın cavabı belə olub:
“Mən deyirdim də bu kopolu
orada da dinc dayanmayajax..”