Ardarazli [Off] (08.03.2014 / 09:12)
Bilsəydin...
Bilsəydin nə qədər sevirəm səni,
Bəlkə sarsıtmazdı qüssə-qəm
səni.
Bir arzu doğardı bədbin çağında,
Bəlkə dəyişərdi səni büsbütün.
Daha yeriməzdin nifrət bağında
Eşqin qanadında yaşamaq üçün.
Bir ümid doğardı lap son anında,
Ya yalan, ya doğru...
Fərqi yox bunun.
Bir gerçək görərdin bu yalanında,
Bir yalan sevərdin gerçəkdən
əziz,
Nə sual, nə sorğu...
Fərqi yox bunun.
Bilsəydin nə qədər sevirəm səni,
Bəlkə də qorxmazdın ölüm
sözündən.
Yaxud da, sadəcə özün-özündən.
Sevinc bəxş edərdim özümdən
sənə
Hər bir nəfəsimdə, anımda olsan!
Qıymadan gözündən süzülən
yaşa
Istəsən ruhumu verim mən
sənə!...
Mən ruhsuz qalaram yanımda
olsan!
Mən ruhsuz yaşaram. Ruhumla
yaşa!
Bilsəydin nə qədər sevirəm səni,
O zaman gərəkli sanardın məni.
Ilhamla dolardım, bir şana taxıb
Pərişan telinin naxışlarından.
Əllərindən tutub, gözünə baxıb
Bir qüvvə alardım baxışlarından.
Bilsəydin nə qədər sevirəm səni,
Təsəlli tapmazdın bundan önəmli.
Bəlkə ucaldardı bu önəm səni.
Daha düşünməzdin özgə ahıdır,
Gərəksiz ahımın gələrdi sonu.
İntizar fələyin sərt silahıdır,
Fələyin əlindən alardıq onu.
Yoxsa, saxlamayaq mənim
sevgimi
Səndən ilk
Məndən son xatirə kimi...