МояДевчкаПростоАНГЕЛ [Off] (21.03.2014 / 02:32)
Netə girdin-girəli görüb səni,sevdi ürək,
Öl deyirsen ölərəm, hər nazına dözüm gərək,
Qoy sən deyən kimi olsun, çarə yoxdur nə edək?
Söz yoxdu gözəlliyinə, sanki bir maral Gözəlim,
Üzü gül tək, özü kövrək, gülüşü bal Gözəlim,
Sən bu cür lap əlasan bax belə də qal Gözəlim

• Doluram fikrə, xəyala ağarır başda saçım,
Arada az qalıram ki, götürüb başımı qaçım,
Sən soruş nə istəyirsən, mən sənə sirlər açım,
Ver mənə bircə məsləhət könlümü al Gözəlim,
Özü göyçək, üzü göyçək, gülüşü bal Gözəlim,
Sən bu cür lap əlasan bax belə də qal Gözəlim

• Məni incitmə yarım, çox ağrıyıb mənim başım,
Səni qorxudan nədir,nadincliyim yoxsa yaşım?
Planım çoxdu gözəl, ol mənim həyat yoldaşım,
Qalmayıb məndə nə taqət,nə də ki hal Gözəlim,
Özü nazlı,sözü duzlu,gülüşü bal Gözəlim,
Sən bu cür lap əlasan,bax belə də qal Gözəlim






• Qorxuram ki,gələcək bir gün elə vaxt, ərəfə,
Unudarsan Royali, baxmazsan heç men tərəfə,
Tələsib səhv edəcəksən,qoşulub naxələfə,
Bilirəm salacaqsan urəyimə xal Gözəlim,
Üzü gül tək,özü kövrək,gülüşü bal Gözəlim,
Sən bu cür lap əlasan,bax belə də qal Gözəlim

• Bir gün ayrı düşsək əgər, bil ki, mən yanındayam,
Yaxınında olmasam da qəlbində,qanındayam,
Çıxarıb ata bilməzsən mən sənin canındayam,
Qayıdanda keçmişə məni yada sal Gözəlim,
Özün şəkər,sözün şəkər,gülüşün bal Gözəlim,
Sən bu cür lap əlasan bax belə də qal Gözəlim

• Həyat sənin həyatındı,nə məsləhətdi elə,
Əgər istəyirsən tələs, istəyirsən səbr elə,
Sonra heç vaxt giley etmə, demə qismətdi belə,
Dünya bir qumardı sanki, həyatsa fal Gözəlim,
Üzü gülşən,özü çox şən, gülüşü bal Gözəlim,
Sən bu cür lap əlasan bax belə də qal Gözəlim