МояДевчкаПростоАНГЕЛ [Off] (21.03.2014 / 02:39)
Oxşa saçlarımı,səpil ruhhuma
Sənə yaxın olum,dünyadan uzaq.
Qaldır dabanını,
Sarıl boynuma
Qoy sükut danışsın, ikimiz susaq.
Sənə yaxın olum, dünyadan uzaq.
Beləcə, sevinim qolların üstə,
Özün oyat məni, silkələ məni.
Əyləndir bu axşam
Xoşüzlə məni,
Vermə öz əlindən bir ələ məni.
Tale əzizləsin qoy hələ məni.
Dözümüm azalır hərdən elə bil,
Düşüb əriyirəm təzə qar kimi.
Sənin nəvazişin mənasız deyil, -
O çatır dadıma
Xilaskar kimi.
Bəzən bir həyasız girir araya
Özü gündə gəzir,
Məkri kölgədə.
Nə səsim, nə ünüm yetir haraya,
Bir həyat işığı sənsən bəlkə də!
Əllərin şəfadır məlhəmi ilə,
Nə deyim, ovsun var bəlkə canında.
Dünyanın ən böyük loğmanı belə,
Müalicə etsə,
Heçdi yanında.
Kimsə dodaq büzüb hardasa, səssiz
Deməsin ay haray,
Burda qəm də var!
Hələ az öyrədir nəzəriyyəmiz,
Mən dünya görmüşəm, öz təcrübəm var.
Döyüş meydanıdır qədimdən həyat,
Bəzən yaralayır,
Mən də insanam.
Təbibsiz ? dərmansız sən mənu sağalt
Əyləndir xoşüzlə məni bu axşam.
Sənə yaxın olum, dünyadan uzaq,
Qoy sükut danışsın, ikimiz susaq