mexfi66653 [Off] (06.04.2014 / 13:04)
Sucayet
HEYATDI BU !

Məni qınamasın qəmli görənlər,

Yansa daş da olar kül,həyatdı bu.

Daxili büs-bütün zər zibilliyi,

Xarici bir dəstə gül,həyatdı bu.

Kim haqq deyib baş vurubsa dərinə,

Böhtan tapıb ədalətin yerinə.

Əxlaqsız qadın tək bu gün birinə,

Sabah başqasına qul,həyatdı bu.

Acı həqiqətlər...şirin yalanlar...

Sussun düz danışıb hay-küy salanlar.

Düşməni-əlləri qabar olanlar,

Dostu-qalaq-qalaq pul həyatdı bu.

Heç nəyi həyatda əbədi bilmə,

Özündən gücsüzün üstünə gəlmə.

Yazığın dərdinə-qəminə gülmə,

Səni də sındırar,bil,həyatdı bu.

Öz növbəndə kef sazını çalarsan,

Vaxt olar ki,yarpaq kimi solarsan.

Bəxtin yatsa,yerlə yeksan olarsan,

Dövlətə bağlama bel,həyatdı bu.

Ağırlığı ürəklərdə daşınan,

Ümidlərlə,bəlkələrlə yaşanan.

Ağıllardan,inamlardan boşanan,

Qaş-gözü sürməli dul həyatdı bu.

Sücaət,döz kədər səni sıxanda,

Ürəyini yandıranda,yaxanda.

Göz yaşın qəlbindən axsın,axanda,

Düşmən qabağında gül,HƏYATDI BU !