Ardarazli [Off] (16.08.2014 / 11:12)
Bir pritcani xatirladim.
Duwundumki paylawim hem movzuya uygundu hemde duwuncelerde musbet neyese nail ola biler.


"Karyeralarını qurmuş məzunlar
toplaşıb qoca professorlarını
yoluxmağa gedirlər. Söhbət işdən
düşür, məzunlar çətinliklərdən və
problemlərdən şikayət etməyə
başlayırlar.
Professor onları dinləyəndən
sonra qəhvə içməyi təklif edir və
mətbəxə yollanır. Və bir neçə
dəqiqədən sonra içi farfor, şüşə,
xrustal, plastik və adi fincanlarla
dolu sini ilə qayıdır.
Hamı xoşladığı fincandakı
qəhvəsini götürəndən sonra
professor deyir:
— Diqqətlə baxın, hamı gözəl
fincanları seçdi, adi və ucuz
fincanlarsa qaldı. Bəli, hər şeyin
yaxşısını istəmək normaldır,
ancaq elə streslərimizin də,
problemlərimizin də səbəbi
budur. Başa düşün ki, fincan
qəhvəni daha dadlı etmir. Sizin
istədiyiniz, əslində, qəhvədir,
fincan yox. Amma siz bilə-bilə ən
yaxşı fincanları seçdiniz və en esasi dərhal
başqalarının hansı fincanı
seçdiyinə baxdınız.
İndi fikirləşin, həyat – qəhvədir,
iş, pul, dost, çevrən isə -
fincanlardır. Bunlar həyatda
qalmaq üçün vasitələrdir. Hansı
fincanı seçməyimiz həyatımızın
keyfiyyətini dəyişdirmir. Bəzən
fikrimizi fincana o qədər
cəmləyirik ki, qəhvənin dadını
çıxartmağı unuduruq.



<Xoşbəxt insan - ən yaxşılara
sahib olan deyil, sahib
olduqlarından ən yaxşısını seçə
biləndir>.