Ardarazli [Off] (22.02.2015 / 07:10)
Neçə vaxtdı deyirdik,
yazırdıq ki, düz yaşamırsız,
bu qədər yükü üzərinə
götürmək olmaz. Deyirdik
ki, qohumla, qonşuyla
rəqabəti saxlayın. Yazırdıq
ki, kreditlə götürdüyünüz
əşyalar, avtomobillər sizin
deyil. Qulaq asmırdınız. Bu
gün manatın dəyəri aşağı
düşmədi, əslində, bu gün
sizin həyat fəlsəfəniz
faciəyə uğradı.
Sarsılmısınız. Özünüzə gələ
bilmirsiniz. İnanmaq
istəyirsiniz ki, hökumət
həftənin birinci günü
manatın kursunu qaytarıb
əvvəlki səviyyədə
saxlayacaq. Yox! Bunu
görməyəcəksiz! Sizin
taleyiniz heç kimi
maraqlandırmır...
Günorta dostlardan biri
zəng vurmuşdu. Ayda 598
dollar maşın krediti
ödəməlidi. Səsi batmışdı,
quyunun dibindən gəlirdi.
Deyirdi ki, ödəyə
bilməyəcək. Lap axırda bir
sual verdi, soruşdu ki,
hökumət bizə kömək
eləyəcəkmi? İnsan ümidsiz
deyil, amma nə qədər
ümidsiz vəziyyətdə
olduğunu da təsəvvür
eləmir...
Adamlar reallıq hissini
itirmişdi. Adamlar o
çarpayıda həyat yoldaşı ilə
birlikdə yatırdı ki, kreditini
hələ bir il sonra tam
ödəyəcək. Adamlar
başqasının maşınını
sürürdü, başqasının
şalvarını geyinirdi, amma
elə bilirdilər ki, hamısı
özünündü. Gözəl həyat
illüziyadan başqa bir şey
deyilmiş...
Qaytarın o maşını! Çıxarın
o şalvarı! Tüpürün qohum-
əqrəba qınağına! Qırın
qollarınızdakı kredit
buxovlarını! Azad olun!
Azadlıq bir günü sizi
xoşbəxt eləyəcək..