DJ_Telman [Off] (29.12.2010 / 01:50)
Bir il də keçdi.... Həm sevindik, həm kədərləndik, həm ağladıq, həm də heyfsləndik. Hər səhərimizi bir ümid çırağı ilə açdıq. Bəzən vaxtdı belə dayandırmaq istədik. Bəzən zaman bizim əleyhimizə işlədi. Bəzən zamanı qınadıq, çünki bizi incitdi, məyusluğa düçar etdi. Ancaq elə anlarımız olurdu vaxtın dayanmasını istəyirdik. Həmin andan zövq almaq, doyunca yaşamaq istəyirdik. Əgər imkanımız olsaydı saat əqrəbini belə əlimizlə dayandırmağa cəhd edərdik.
Zamanı durdurmaq olmur, sanki o bizdən çox harasa tələsir, bəlkə də bizlərdən nigarandır. Bəzən səbirsizliklə gözlədiyimiz gün cəhənnəm əzabına dönür. Bəzən isə zindana dönmüş günümüz quşun qəfəsdən azadlığa can atdığı kimi sevincə bürünür. Həyat qəribədir, elə deyilmi?! Yaşlını daha da qocaldır, cavanı yaşlandırır, yeniyetməni cavanlaşdırır, məktəblini yeniyetmə edir. Günlər keçir geriyə dönüb baxanda bəzən sevinirik, bəzən kədərlənirik. Sevinirik ona görə ki, hansısa çətinliyi dəf etmişik, uğur qazanmışıq, nail olmuşuq, rahatlıq tapırıq. Kədərlənirik ona görə ki, yaşımızın üstünə gəlir. Bu isə bizi sanki vahiməyə salır. İnsan yaşa dolduqca kamilləşir, ötən günlərdən ibrət alır. Bax, budur həyat! Bizləri müdrikləşdirir, səhvlərimizdən nəticə çıxartmağı öyrədir.
Düzdür, bu günləri bir də yaşamayacağıq. Bəlkə də bundan yaxşı, ya da tam əksinə oldu. Bu həyat yaşamımızdı. Həyat yaşamımız isə bizim amalımızdır. Geriyə dönüşlər olmayacaq, geriyə baxıb köks ötürməklə də heç nə qazanmayacağıq. Keçmiş adından göründüyü kimi keçmişdir. Əsas bugünümüz və bugündə arzularımızın tumurcuqlandırdığı sabahımızdır. Bizi də yaşadan, bizə də həyat eşqi aşılayan tumurcuğun çiçəkləridir və çiçəklərdir ki, bizə zamanla qol-budaq verir.

Çiçəklərin açması ümidi ilə bayramınız mübarək olsun...

2010-cu ildə ürəyinizdən keçən və həyata gətirmədiyiniz nə qədər arzu və istək varsa İNŞALLAH 2011-ci ildə buna nail olasınız!
Bayramınız bir daha mübarək olsun!

ƏLVİDA 2010
XOŞ GƏLDİN 2011