Ardarazli [Off] (16.04.2015 / 21:38)
Çində bir adam hər gün
boynuna dayadığı
çubuğun hər iki ucuna
vedrə asıb evə su
daşıyırmış. Bu vedrələrdən
birinin yan tərəfində çat
varmış və ordan su
sızırmış. Beləcə vedrənin
biri evə qədər tam dolu,
digəri isə yarılanmış su ilə
gəlib çatırmış. Bu illərlə
belə davam etdi. Beləcə
qüsursuz vedrə özü ilə
qürurlanır, çat vedrə isə
çox utanırmış. Bir gün o,
sahibinə dedi:
- Özümdən utanıram, bu
çatın üstündə suyun ancaq
yarısını evə aparıb çatdıra
bilirəm.
Sahibi gülümsəyib dedi:
- Sən bir yola diqqət et.
Yolda sənin tərəfin
çiçəklərlə doludur. Digər
vedrə olan tərəfdə isə bir
dənə də olsun çiçək
yoxdur. Mən sənin çat
olduğunu bilirdim. Ona
görə yolun sən olan
tərəfinə çiçək toxumları
əkdim, sən də hər gün
onları suladın. Və mən
artıq neçə ildir o gözəl
güllərlə evimi bəzəyirəm.
Sən qüsursuz olsan, o çatın
olmasa, evimə belə
gözəllik və zərafət verə
bilməyəcəkdin.
Əslində sən də beləsən.
Bax belə, çat vedrə kimi.
Amma unutma ki, hamının
səndə gördüyü qüsur
kiminsə həyatını bəzəyən
özəlliyindir...