BaKiNsKiY XuLiQaN [Off] (24.04.2015 / 12:06)
Həyatımda səndən başqa,
Mən heç kimi istəmirəm.
Duyğulara uzaq olan,
Xaric ritmi istəmirəm.
İstəmirəm sənsizliyi,
həsrətini, yoxluğunu.
İstəmirəm sənsiz keçən
bircə anı, bircə günü.
İstəmirəm uzaq düşək
ayrı qalaq yadlar kimi,
İstəmirəm boş-boşuna
yanıb- sönək odlar kimi.
Həyatıma sən gələndən
xəyallarım gerçək olub.
Ümüdlərim, diləklərim,
arzularım gerçək olub.
Gəlişinlə taleyimə
bir dünya pay gətirmisən.
Bu balaca komamaca,
Sankı, saray gətirmisən.
Gülüm, mənim xoşbəxtliyim
baxışında o gözündə.
Sənə necə bağlıyam mən,
Heç bilmirsən sən özün də.
Nə yaxşı ki, yazı yazan,
Səni mənə yazıb gülüm,
Nə yaxşı ki, eşq yolunda
Könlüm sənə azıb gülüm.
Nə yaxşı ki, səni görüb
Gözlərim sənə bənd olub,
Sən gələndən həyatım da
gözəl və rəngbərəng olub.
Sən mənim gülüş payımsan,
Sən mənim sevinc payımsan.
Yerim, göyüm, günəşimsən,
ulduzumsan, həm ayımsan.
Nə biləsən bu sinəmdə
ürək sənə görə vurur.
Nə biləsən görməyəndə
səni ömrüm zaman durur.
Varlıqındır bu cismimə
Yaşamağa ruh, can verən.
Nə biləsən axı mənəm
yollarında tək can verən.
Cismim sənsiz müqəvva tək,
cansız qalsın istəmirəm.
Həyat bizi ayrı-ayrı
yola salsın istəmirəm.
Təkcə bunu anla ki, sən,
Gülüm səni istəyirəm,
Sənsizliyi istəmirəm,
İstəmirəm sənsizliyi,
Gülüm səni istəyirəm.
Təkcə səni istəyirəm.