Saytın Ən varlısı ol : kobra82 - 20 manat
Sayta Daxil Olun!
Mövzu: weirler ve romantikadan . soyuw yazan ozunu tanimir
Biz HuseyN AwiqiyiK [Off] (23.09.2015 / 15:24)
Salam verməyin yetmiw savabı var.Onun altmıw doqquzu salam verənin,biri isə salamı alanındır.Bir üzü torpaqdır, bir üzü daşdır,
Bir gözü gülümsər, bir gözü yaşdır,
Qoynunda hər zaman dava – dalaşdır,
Onu bir sifətdə olmadı görən,
Bəs belə dünyanın nəyin sevirsən?!
Birinə var – dövlət verdi çox asan,
Mininə çörəyi yedirtdi yavan,
Çox yurdlar – yuvalar eylədi viran,
Bunları gözlərin görə - görə sən
Bəs belə dünyanın nəyin sevirsən?!
Heç kimə iltifat, güzəşt etmədi,
Verdiyi qəm – qüssə, əzab bitmədi.
Gedənlər də ondan razı getmədi,
Bilmirsən o, sənə dostdur, ya düşmən,
Bəs belə dünyanın nəyin sevirsən?!
Onun qucağında kim saldı məkan
Çox tez də getdilər ondan doymadan.
Sənin də qapını döyəndə hicran
Əyninə zor ilə geydirər kəfən,
Bəs belə dünyanın nəyin sevirsən?!
O, çox igidləri qüvvətdən salıb,
Yaxın əzizlərin əlindən alıb.
Sən də bax ətrafa, gör kimin qalıb?
Səni də tez yola salacaq hökmən,
Bəs belə dünyanın nəyin sevirsən?!
Kim şəkk eyləyərsə, edərəm isbat:
Bir xəta yurdudur külli-kainat!
Ölüm üzərində qurulmuş həyat.
Qəbirlər üstündə alaq bitirən,
Bəs belə dünyanın nəyin sevirsən?!
Vallah, sevilməyə dəyməz bu cahan,
İmkan əlindəkən yapışma ondan.
İsgəndər kimi şah olsan da, inan,
Səni də taxtından salar o birdən,
Bəs belə dünyanın nəyin sevirsən?!
TaleY, görəcəksən boylansan geri
Ruhən sən ölmüşsən, olsan da diri,
İllərlə boynuna salıb zənciri,
İstədiyi yerə sürüyüb çəkən,
Bəs belə dünyanın nəyin sevirsən?!
Bəs belə dünyanın nəyin sevirsən?!
Onlayn Tanışlıq: 7516 / 913