KoNCeNo [Off] (25.03.2016 / 20:35)
Qismət oluncan ona kaş ki, girəydim yerə,
Ay mamacan mən yazıq gör kimə getdim ərə?
Çox da ki var təhsili, davranışı bilmir o
Nervimə qoymur məhəl, bir mənə əksilmir o,
Ağlayıram ar bilir,gözlərimi silmir o,
Hər nə desəm sözlərim hamisi olur məsxərə!
Ay mamacan mən yazıq gör kimə getdim ərə?!
Altı aya vur-tut o,
üç cürə paltar alıb,
Modama vermir fikir,
lap məni gözdən salıb.
Çatladı bağrım mama,
ölməyimə az qalib,
Evdə məni döndərib kəm-tale bədbəxtlərə,
Ay mamacan mən yazıq gör kimə getdim ərə?!
Borşu,supu, kotleti görməyə yoxdur gözü,
Başına daş tək düşür, kolbasa, konserv sözü.
Bir bacarıqsız kimi rüsvay edibdir bizi,
Köhnə xörəklər sevir, dolma, qutab, düşbərə,
Ay mamacan mən yazıq gör kimə getdim ərə?!
Tut deyirəm xadimə, tutmur o puldan sari,
Tezdi, tələsmə deyir, qoy uşaq olsun, barı
Mən yığıram süfrəni, mən yuyuram qabları,
Qismət oluncan ona, kaş ki, girəydim yerə,
Ay mamacan mən yazıq gör kimə getdim ərə?!
Bunlar hələ bir yana gör o nələr söyləyir,
Təkcə qalib evdə sən xiffət edirsən deyir,
Guya mənim tay-tuşum hamisi gedib işləyir,
Üzdən iraq gör məni, tay eləyir kimlərə?!
Ay mamacan mən yazıq gör kimə getdim ərə?!