Ardarazli [Off] (07.05.2016 / 21:02)
Azərbaycanın bir çox kişisi dünyanın heç bir yerində özünü Bakı metrosundakı qədər maço hiss etmir. Orta məktəb və institut illərində heç bir intim təcrübə ala bilməyən, qadın qarşısında uğur qazana bilməyən azərbaycanlı kişilərin son ümid yeri metromuzdur. Hər gün minbir ümidlə metroya düşən azərbaycanlı kişilər möcüzə gözləyirlər – Bir gün mütləq bəxtim gətirəcək, mənim əvəzolunmaz “Kazanova baxışlarıma” mütləq qaynar bir xanım cavab verəcək və biz onunla hökman sevişəcəyik.

Metro və eskalator onların qibləgahıdır. Onlar metromuzda ekztaza düşürlər. Elə havaya girirlər ki, Bred Pit onları görsə, özünə güvəni azalar. Bred Pit özünü zibil hesab edər. O biri eskalatorda olan heç bir xanımı gözdən qaçırmırlar. Hamısına bir-bir mənalı baxışlarla baxıb altdan yuxarı süzürlər. "Hmm, ye məni, parçala məni!"
Eskalator bizim kişilərimizə ilham verir. Hələ, eskaltorda olarkən arxada dayanmış xanımlara dönüb elə “Emrah” baxışlarla baxırlar ki, Hollivudun kişi ulduzlarından kimsə bunu görsə, filmə çəkilməkdən imtina edər. Deyər, "mənim nəyimə lazımdır? Ee, mən oynamıram, oynamıram. Mən eskalatordakı kişinin yanında kiməm ki? Ulduz odur."

Metroda bu tip kişilərimizin özünə güvən hissi 1 ə 5 çoxalır. Onlar orada Don Juandırlar, onlar orada dönüb olurlar Kazanova. "Mrrr, ehtiraslı kişi." İdmana getməyəni də idmançı bədəninə transformasiya olur. Metamarfozayla dönür olur porno aktyor. Bu dəqiqə ona 5 qadın ver, hamısını xoşbəxt etsin. Təcrübəszilik hissi itir, əvəzinə “Bunların hamısına çatdıraram” psixozu yaranır. “5 qadın? Haha, ə mən o vaxtı günə 10 nəfəri.” Lənət sənə, kor şeytan, nə isə...

Eskalatorda sinə və qolaltı əzələlər avtomatik böyüyür, adi bir kişi dönür olur Arnold Şvartsenegger.

Xanımlarımız kişilərdən şikayət edir. Deyirlər, əsl kişi qalmayıb.
Əziz xanımlar, Siz lazım olan yerdə axtarmırsız axı. Dünyanın ən gözəl, ən idmançı, ən ehtiraslı və ən seksual, kişilərini ancaq və mütləq metromuzun eskalatorlarında axtarın.

Onlar orada Sizi gözləyirlər)))))