Zeqqumagaci [Off] (06.01.2017 / 21:07)
Səndə bu nə adətdi belə,ey gözü şəhla.
Hərdəmxəyal olman məni candan soyudub ta.
Bir gün mənə "Get," söyləmisən , "Gəl" sabah amma.
Zalım qızı,könlüm sənə əyləncə deyildir.
Səncə ola bilsin elədir,məncə deyildir.
İnsaf elə,bəsdir daha bu məncə, gözəl yar.
Rəhm eylə sənə aşiq olan gəncə,gözəl yar.
Çəkdim daha mən bəs qədər işgəncə ,gözəl yar.
Eşqin dadı zövqdür,axı işgəncə deyildir.
Zalim qızı könlüm sənə əyləncə deyildir.
Səncə ola bilsin elədir,məncə deyildir.
Yüzlərlə gülüstan,neçə növ-növ çiçək olsun.
Yüz min gözəl arzu,neçə yüz min dilək olsun.
Yüz min bəşər olsun,daha yüz min mələk olsun.
Bu hüsnü-cəmal ilə biri səncə deyildir.
Zalım qızı ,könlüm sənə əyləncə deyildir.
Səncə ola bilsin elədir,məncə deyildir.
Hərçəndi ki qaşın kimi heç göydə hilal yox.
Bu hüsnü-cəmalın var, heyf əqli-kamal yox.
Sən "get-gəl"-ə adət elədin,məndəsə hal yox.
Ramin belə "get- gəl"-lərə öyrəncə deyildir.
Zalım qızı,könlüm sənə əyləncə deyildir.
Səncə ola bilsin elədir,məncə deyildir.
Müəllif ..Ramin Həsənov