FuLLiTo [Off] (09.03.2017 / 01:25)
Əsas məsələ 8 mart bayramının hardan gəlməsi deyil. Xristian bayramıdır , yəhudi bayramıdır və s . kimi arqumentlər əhəmiyyətsiz şeylərdir . Vacib olan bayramın mahiyyəti və həmin mahiyyətin ildə bir dəfə xatırlanmasıdır . Qadınların bütün sahələrdə, kişilərdən geri qalmasının əsas səbəblərindən biri , kişilərin daha istedadlı , daha agıllı olması ilə əlaqədar olmayıb. Bunun özünün məlum səbəbləri var . Tarixi boyu fiziki olaraq daha güclü olan kişilər , daha zərif olan əks cinsə sahiblənməyi , dominantlıq etməyi arzu ediblər . Qadınların inkişaf etməsi , maariflənməsi kişilərə sərf etməyib . Çünki bilikli insan üzərində hökmranlıq etmək asan məsələ deyil . Məhz buna görə də maariflənmiş cəmiyyətlərdə yaşayan insanlar daha azad və daha demokratik üsulla idarə olunurlar . Ümumiyyətlə kişinin gücü ilə təfəkkürü qeyri mütənasib şəkildə olanda , avtoritar xarakterə sahib olur. Qadını istədiyi şəkildə əhliləşdirməyə , yontalamaqa çalışır . Kişiliyin əsas meyarının fiziki güc olmadıgını anlayan və bu sterotipi dagidan , buna etiraz edən , öz haqq və hüquqlarını müdafiə edən cəsarətli qadınlar olub .
Bu bayram təkcə kişilərin qadınlara mışka hədiyyə etməsindən ibarət deyil . Bu həm də qadın həmrəyliyinin şiddət üzərində qələbəsinin nümunəsidir . Bu bayram özünü heyvansevər kimi aparan , heyvan dərisindən bahalı şuba geyinən , on min manatlıq it saxlayan , itə qulluqçu tutub ayda 200 -300 manat maaş verən və öz qulluqçusunu it yerinə qoymayan hansısa burjuanın , oliqarxın arvadının da bayramı olmamalıdır . Bu bayram qışda , soyuqda , hər zəhmətə qatşalan , lopatkayla qar təmizləyən zəhmətkeş qadınların , öz övladını doyurmaq üçün , oxutmaq üçün gecəsini gündüzə qatan fədakar anaların və həmin qadınların haqqları ugrunda mübarizə aparan qadınların bayramı olmalıdır . Arzu edirəm ki , qadınlar heç vaxt kişilərin kölgəsində qalmasın , kişinin qabırgasından yarandıgını , ikinci dərəcəli varlıq kimi baxılmasın. Çünki əslində qadınlar fiziki olaraq olmasa da mənəvi olaraq daha güclü varlıqlardır . Hər birinizə azad düşüncə və saglam həyat arzu edirəm . Yalnız azad və saglam düşüncə olan cəmiyyətlərdə insanlar xoşbəxt və firavan yaşaya bilər . Təbrik edirəm ! . )