appreciate [Off] (27.04.2017 / 10:49)
Tanrı insana məntiq, ağıl, fəlsəfə işə yaramayanda lazım olur. Tanrı insana gücsüz olduğu anlarda lazım olur. Çarəsiz və aciz olanda...
Bir az ayağı büdrəyən kimi insan düşünür ki, Tanrı onu cəzalandırır. Tez Tanrıya yalvarmağa başlayır. Bu nə deməkdi? Bu qorxu deməkdi. Bu qorxaqlıq deməkdi. Bütün insanların həyat boyu çətin və asan zamanları, anları olur. Yaxşı günləri də olur, ağır günləri də. Həyat budu. O bir xətt üzrə yaşana bilməz. Enmə də olur, qalxma da. Dindarlar bundan istifadə edərək insanı ürküdürlər. Pis anların səbəbi Tanrının cəzası kimi təqdim olunur əsrlərdi. Niyə? Niyə Tanrı sizi cəzalandırmalıdı? Tanrı cəza verəndi? Sənin həyatda qazandığın bütün uğurları öz adlarına, dolayısıyla dinə - Tanrının adına yazmaqla səni tamamilə ələ keçiriblər. Sənin beynin onların əlindədi. Bütün zəhmətini təsadüfə, Tanrının xeyir-duasına yazırlar. Məgər əziyyət çəkmədən hansısa pilləyə, uğura sahib olan adam var?
Bu sual haqda düşünməyəsən deyə sənin üçün bunun da izahı hazırlanıb:"Tanrı qiymətləndirir". Belə çıxır ki, sən özün üçün karyera qurursan və əvəzində qazandığın uğur Tanrının sənə lütfüdü? Tanrı özün üçün göstərdiyin cəhdə görə səni qiymətləndirirsə, özünü incidəndə niyə acığı tutmur?
Bəs niyə sənin özünü incitmənə, öz duyğularını sahibsiz buraxmana, azadlığını, arzularını içində boğmana qəzəblənmir, əksinə təqdir edir? Və hələ səni cənnət huriləri ilə şirnikləndirir.
Sən elə bu gözəl dünyada sevdiyinlə sevişsən olmaz? Bu niyə günahdı, sən heç özünə bu sualı vermisən?
"Evlənmədən, rəsmi sənəd olmadan sevgilinlə eşq yaşaya bilməzsən" deyirlər. "Bu günahdı" deyirlər. Amma niyə günahdı heç kim izah edə bilmir.
Sənə "evlənmə" deyən yoxdu. Evlən ailəni yarat, xoşbəxtliyin uğuruna savaş. Amma niyə sevgilinlə yaşaya biləcəyin gözəl hissləri, anları fahişəylə yaşayasan, kiməsə pul verib ona boşalasan. Səncə hansı iyrəncdi, hansı pisdi?
Niyə sən ancaq dindarların dediklərini həyata keçirəndə sevimli bəndə olursan, öz ağlınla yaşayanda günahkar olursan?
Onlar səni inandırmağa çalışır ki, bu həyat boş şeydi. Nə varsa, sənin tanımadığın və hələ ki, heç kimin görmədiyi uydurma həyatdadı.
Bütün bunların Tanrıyla əlaqəsi yoxdu. Tanını uzaqlarda axtarma, Tanrı səndədi. Yadında saxla, Tanrını nə qədər uzaqda, bilinməzlərdə hesab edəcəksənsə, o qədər ondan uzaq olacaqsan. Tanrını özündə axtar.
Bütün bunları din xadimləri edir. Özlərini elə aparırlar, sanki həyatın bütün həqiqətlərini bunlar bilir. Çünki dindardılar. Və sən heç nə bilmirsən, ona görə də onlar nə desə ona inanırsan. Fikirləşmirsən ki, onlar bunları hardan bilir? Bəs niyə sən bilmirsən? Onlar Tanrı adından bu qədər rahat danışmaq, yazmaq, çıxışlar etmək haqına niyə sahib olublar? Heç nə, bir qrup adam səni sadəcə aldadıb tələyə salır.
Niyə onlara inanırsan? Niyə sən həyatını onların dedikləri ilə yaşamağa cəhd edirsən?
Onlar səni həyatdan uzaq salmağa çalışırlar. Mən səni həyata yaxınlaşdırmağa çalışıram. OSHO ♥