Ardarazli [Off] (21.08.2017 / 22:23)
Murad Dadaşov yazır.

"Həyat yoldaşımla tanışdığımızın ilk ilində çox fikirləşdim ki, görəsən 8 martda ona nə hədiyyə verim? Bir az düşündüm və qərar verdim ki, ona bir portretini çəkdirib hədiyyə edim.Rəssama bir şəklini verməliydim ki, şəklə baxıb portretini çəksin. Amma qızdan istəyə bilməzdim. Özümdə bir şəkli var idi, şaxta babayla çəkdirdiyi bir şəkil idi. Aparıb şəkli rəssama verdim ki, üzünə bax və portretini çək. Şəkil bir az uzaqdan çəkilmişdi, amma rəssam razılaşdı, dedi; get hazır olanda xəbər edəcəm. Bir müddət sonra portreti almağa getdim, şəkli ilk görəndə rəssama "yox, siz yanılırsız, bu mənim gələcək həyat yoldaşım ola bilməz" dedim. Çünki çox pis çəkilmişdi. Amma artıq vaxt azalmışdı. Dedim biraz da düzəliş et, o da etdi, nə isə.ortreti hədiyyə kimi bağlatdırıb apardım. Qız, anası və bacısı hədiyyəmi açıb portreti gördülər, bəyəndilər və divara asdılar...Bir müddət keçdi..Və bir gün həyat yoldaşım, ailəsi və mən bir yerdə idik. Söhbət 8 martdan və o vaxtki hədiyyəmdən düşdü. Maraqlısı budur ki qaynanam birdən mənə sual verdi ki "Sən Allah sənə bir sual verim, o vaxt qıza aldığın o hədiyyə kimin portreti idi?Məşhur insan idi?"