Ardarazli [Off] (02.01.2018 / 18:45)
İTKİN DÜŞMÜŞ DAĞÇILAR HAQQINDA

12 avqust 2000-ci il. Rusiyanın "Kursk" atom sualtı kreyseri batmağa başlayır. Ekipaj sayı 118 nəfər. Rusiya həmin zaman xaricdən (Norveç, Böyük Britaniya, ABŞ) kömək qəbul etsəydi ekipajı xilas edə bilərdi. Ancaq Putin daha müasir texnikalara sahib yuxarıda adi çəkilən ölkələrin yardımını qəbul etmək əvəzinə öz sınıq-salxaq texnikasıyla xilasetmə əməliyyatı "keçirtdi" və nəticədə ekipaj üzvlərinin hamısı həlak oldu. Kömək isə sonradan, qayığın su üzərinə çıxarılması zamanı qəbul edildi. Amma artıq gec idi. 118 nəfər artıq həlak olmuşdu.

Azərbaycan. 25 dekabr 2017. Üç alpinist Tufandağda itkin düşüb. Bu gün ayın 2-si. Artıq bir həftə keçib və itkinlərdən heç bir xəbər almaq mümkün olmayıb. Məlumatlar var ki, axtarışda istifadə edilmək üçün dronlar gətirilib, amma nədənsə istifadə edilməyib.

İstər 3, istər 118, mənə görə dövlət hər bir vətəndaşı üçün hər şey etməlidir, o cümlədən də öz gücü yetərsizsə, gücü yetərli olanların köməyini qəbul etməlidir, ya da kömək üçün müraciət etməlidir.

İtkin düşmüş alpinistlərdən birinin dostları Ekologiya və Təbii Sərvətlər Nazirliyinə və Fövqəladə Hallar Nazirliyinə müraciət ediblər. Bu müraciəti oxuyandan sonra məndə belə bir qənaət yarandı ki, ya gücümüz yetərsizdir, ya da peşakarlığımız. Bu üzdən aidiyyatı qurumlardan xahiş və tələb edirəm ki, 3 nəfər Azərbaycan vətəndaşının tapılması üçün mümkün olan bütün yollara əl atılsın və lazım gələrsə (məncə artıq lazımdır) qonşu dövlətlərə kömək üçün müraciət edilsin.

Babur Hüseynovun dostlarının müraciətini şərhdə yerləşdirəcəm.

Norveçin bir əyalət şəhərində bir nəfər dərman üçün aptekə müraciət edir. Ona lazım olan dərman aptekdə olmur. Maraqlanırlar və məlum olur ki, heç şəhərdə də yoxdur. O da məlum olur ki, xəstə yaxın 3-4 saat ərzində o dərmanı qəbul etməsə həyatını itirəcək. İdeal idarəçilik sistem burada işə düşür. Aptek özündən yuxarı instansiyaya müraciət edir, həmin instansiya isə digərinə, digəri isə digərinə və zəncirvari, işlək mexanizm sayəsində həmin dərmanı paytaxt Oslodan Müdafiə Nazirliyinə məxsus qırıcıyla əyalət şəhərinə çatdırılır və xəstənin həyatı xilas edilir.

Bir xəstə üçün Səhiyyə və Müdafiə Nazirliyinin birgə əməliyyatı, səmaya qırıcı qaldırmağı həmin dövlətin vətəndaşına verdiyi dəyərin bariz nümünəsidir ki, belə bir dövlətdə yaşamaq da hər bir bəşər övladının haqqıdır