MAMBA_77 [Off] (18.01.2018 / 21:07)
Əliyar Yusif oğlu Əliyev;Azərbaycanın Milli Qəhrəmanı,Qarabağ müharibəsi
şəhidi..

Əliyar Əliyev 1957-ci il dekabrın 14-də Qubadlı rayonunun Qazyan kəndində anadan olub.1979-cu ildə Azərbaycan Dövlət Bədən Tərbiyəsi İnstitutunu fərqlənmə diplomu ilə bitirərək bir müddət Qubadlı rayonunun Dondarlı kənd orta məktəbində idman müəllimi işləyib.Hərbi xidməti başa vurduqdan sonra Saransk DövlətT Universiteti onu idman üzrə tanınmış mütəxəssis kimi müəllim işləməyə dəvət edir və Əliyar Əliyev həmin universitetdə iki il müəllim işləyir.Atasının ölümü ilə əlaqədar o,Qazyana qayıdır,qəsəbə orta məktəbində müəllim,"Məhsul" Kənd Könüllü İdman Cəmiyyətində rayon şöbəsinin məşqçisi vəzifəsində çalışır.1985-ci ildən isə Könüllü Bədən Tərbiyəsi və İdman Cəmiyyəti rayon Şurasının sədri seçilir.
Qarabağ müharibəsi başlayanda Əliyar Əliyev könüllü olaraq Azərbaycan Silahlı Qüvvələrinin sıralarına qoşulur.Müharibədə özünü təkcə döyüşçü kimi yox,həm də hərbi işin təşkilatçısı kimi göstərməyə başlayır.Əvvəlcə taborun kəşfiyyat bölməsinin komandiri,sonra tabor komandirinin təchizat üzrə müavini təyin edilir.
1988-ci ilin fevral ayında Xankəndindəki ilk erməni mitinqlərindən sonra Ermənistandan azərbaycanlıların deportasiyası başlandı və ilk qaçqın dalğası Qubadlıdan keçdi.Sisiyandan,Qafandan,Gorusdan
qovulan,döyülüb təhqir edilən azərbaycanlıların bir qismini qubadlılılar qəbul etdilər,Dağlıq Qarabağla Ermənistan arasında yerləşən Qubadlının strateji əhəmiyyətini başa düşən erməni təcavüzkarları burada terror-təxribatlar törətməyə çalışırdılar.Məhz elə o illərdə Qubadlıda xalq hərəkatının başçısı,demokratik qüvvələrin rəhbəri kimi tanınan Əliyar Əliyev könüllülərdən ibarət dəstə təşkil edir.Onun təşkil etdiyi tabor camaat arasında “Pəhləvanlar taboru” kimi da tanınırdı.Çünki könüllülərin əksəriyyəti onun rəhbərlik etdiyi Könüllü Bədən Tərbiyəsi və İdman Cəmiyyətinin üzvlərindən ibarət idi.
Lakin o, təvazökarlıq göstərib komandir olmaqdan imtina edirdi.Amma yenə də 1992-ci ildə Əliyar Əliyev taborun kəşfiyyat bölməsinin komandiri təyin edilir.Sonradan isə taborun rəhbərliyi ona həvalə olunur.
Başarat,Susuz dağ,Suarası mövqelərini ələ keçirərkən xüsusilə fərqlənib,1992-ci il sentyabrın 30-da Laçın rayonu istiqamətində döyüşə rəhbərlik edib.1991-ci ilin may ayında Qubadlının Yuxarı Cibikli kəndi,1992-ci ilin oktyabr ayının 12-də isə bu rayonun Topağac-Başarat yüksəkliyi uğrunda gedən döyüşlərdə də onun rəhbərlik etdiyi alay düşməni ağır itkilərə məruz qoymuşdu.Əliyar Əliyevin rəhbərlik etdiyi alayın topçuları Xocalı soyqırımından bir neçə gün sonra yuxarıların (ölkə rəhbərliyinin) əmri olmadan Gorusun
altını üstünə çevirmiş,Moskva və Yerevan KİV-ləri bu hücum zamanı 336 nəfərin öldürüldüyünü yazmışdı.Bununla bağlı Ermənistanda üç gün matəm elan edilmişdi, Yerevanda keçirilən mitinqlərdə isə Əliyar Əliyevə və onun 3 döyüşçüsünə ölüm hökmü çıxarılmışdı.1992-ci ilin aprel ayının 16-da “Qara bəbir” ləqəbli Suriya ermənisi Karlenin başçılığı ilə xaricdə xüsusi hazırlıq keçmiş 50 nəfərlik diversiya qrupu Lalazar körpüsünü partladıb Qubadlının sərhəd kəndlərinin rayon mərkəzi ilə əlaqəsini kəsmək,strateji yüksəklikləri ələ keçirmək üçün hücuma keçdi.
Kəşfiyyat məlumatları nəticəsində bundan xəbər tutan və onların yolunu gözləyən Əliyar Əliyev və döyüşçüləri onları mühasirəyə alaraq dəstəbaşıları da daxil,11 düşmən əsgərini məhv edərək həmin meyitləri azərbaycanlı əsirlərə dəyişdilər.
1992-ci ilin iyun ayının 24-də Qubadlı rayon mərkəzini bombalamağa uçan üç vertolyotu vurub salan da Əliyar Əliyevin döyüşçüləri olmuşdu.1992-ci ilin avqust ayında həyata keçirilən "Şurnuxu” əməliyyatında iştirak edib.Qarabağ müharibəsi qazisi Sadiq Paşayevin sözlərinə görə,Azərbaycan əsgərləri iki rayonun arasındakı yolu kəsib,əlaqəyə girmələrinə mane olurduq.Orada ermənilərin 100 nəfərdən çox canlı qüvvəsi toplanmışdı.Azərbaycan əsgərləri iki qrup idi-bir bölük və təxminən 40-45 nəfərdən ibarət olan bir tağım.Əməliyyat bir gün çəkdi və ermənilər 80-dən çox canlı qüvvə və bir neçə texnika itirdi.Gorusun Şurnuxu kəndindəki postu darmadağın etmiş Əliyar Əliyev və döyüşçüləri 20 rus və erməni silahlısını canlı olaraq ələ keçirmişdi. Onlar işğalın son günlərinədək Qafan-Gorus yolunu nəzarətdə saxlamağı da bacarmışdılar.Azərbaycan qüvvələrində bir-iki yüngül yaralı var idi və itki verməmişdi.Əliyar Əliyev 1992-ci ilin payızında 40 könüllü döyüşçü ilə birlikdə işğal altındakı Laçının 40-a qədər kəndini 4 gün ərzində ermənilərdən azad edə bilmişdi.
Əliyar Əliyevin son döyüşü 1992-ci il oktyabrın 3-də Laçının 2 kilometrliyində olub.“Tikanlı zəmi” yüksəkliyi uğrunda döyüşdə tabor komandiri Əliyar Əliyev və onun sürücüsü Əlisadət Ağayev düşmən gülləsinə tuş gələrək qəhrəmancasına həlak olublar.O,Qubadlı rayonunun Qəzyan kəndində dəfn olunub.İki oğlu bir qızı var.
Qarmon musiqi alətində məharətlə ifa edə bilib və bir müddət pəhləvan kimi də fəaliyyət göstərmişdir.
Əliyar Əliyev Yunan-Roma güləşi
üzrə dəfələrlə respublika,ümumittifaq və beynəlxalq yarışların qalibi olub.Əliyarın Əliyev rəhbərliyi ilə yetişmiş 8 nəfər respublika və SSRİ çempionu olmuş,10-dan çox idman ustası,beynəlxalq turnirlərin qalibləri,Heydər Məmmədəliyev
isə güləş üzrə dünya çempionu olmuş və 2004 Yay Olimpiya Oyunlarında
gümüş medal qazanmışdır.
Hətta
"Dostumuzu düşmən sandıq,
Düşməni dost sana-sana.
Azadlıqdan çox danışdıq,
Fəqət qaldıq yana-yana" misraları Əliyar Əliyevə məxsusdur.
Bakının Nərimanov rayonundakı küçələrdən biri onun adını daşıyır,orada qəhrəmanın büstü də ucalır.Masazırda
onun adına məktəb,Sumqayıtda
və Binəqədidə isə “Əliyar” adlı bulaqlar var.
Sumqayıt şəhərində idman klubu və yaratdığı tabor onun adını daşıyır.Qubadlı rayonunda abidəsi qoyulub.Onun xatirəsinə həsr olunmuş Yunan-Roma güləşi üzrə Respublika turniri keçirilir.
Azərbaycan Respublikası Prezidentinin 10 noyabr 1992-ci il tarixli 301 nömrəli Fərmanı ilə Əliyar Yusif oğlu Əliyev ölümündən sonra Azərbaycanın Milli Qəhrəmanı adına layiq görülüb.

Mənbə: "wikipedia".

Unudulmuş şəhidlərimizin xatirəsinə..