Ardarazli [Off] (25.01.2018 / 10:37)
ABŞın tanınmış psixoanalitiki Daniel Stern “Körpənin Şəxsiyyətlərarası Dünyası” əsərində yazmışdır:

“..oğuş hər insanın həyatında ana bətnindəki komfortun pozulduğu və qorxunun üzə çıxdığı ilk hadisədir. Ona görə də dünyaya gəldikdən sonra körpənin ilk istəyi itirdiyi komfortu bərpa edib qorxunu aradan qaldırmasıdır. Körpə doğuşdan sonra əvvəlcə güvəndə olub olmadığını yoxlayar. Bu cəhətdən doğuş əsnasında kobud münasibət və hiss olunan soyuqluq körpəni ətrafdan ayırar və özünə qapanmasına səbəb olar. Bütün asosial insanlar körpəlikdə itirdikləri komfortu bərpa edə bilməyən və ciddi soyuqluq görmüş kimsələrdir. Körpənin yalnız duyğuları aktiv olduğu üçün ilk münasibətləri tamamilə duyğular üzərində qurar. Buna görə də körpənin hərəkətləri istiqamətində hərəkət etmək və onun duyğularına adaptasiya olmaq çox vacibdir...

Aparılan araşdırmalar göstərmişdir ki, körpə üçün bütün dünya bölünməz vahid bir məkandır. Körpə hər yerə eyni baxır və onlar arasında fərq qoya bilmir. Bu cəhətdən körpə aid olduğu yerdə ciddi soyuqluq, tənhalıq hiss etsə ətrafdan aldığı bu informasiyanı bəlli bir məkana deyil, bütün dünyaya yansıdar...

Əgər körpənin komfortuna uyğun münasibət göstərilsə inkişaf psixologiyasında heç bir kəsilmə və tormozlanma olmadığı üçün gələcəkdə də dünyaya qarşı bölünməz, vahid məkan kimi yanaşar. Belə insanlar ünsiyyətcil olub istənilən yerdə istənilən topluluqla çox asan ünsisyyət qura bilərlər. Körpəlikdə duyğularında travma yaşamadıqları üçün duyğu alıcılıqlar hər insanı və cəmiyyəti daha tez hiss etmələrinə və xarakterlərinə uyğun rəftar seçmələrinə səbəb olar. Ünsiyyətcillik məntiq və intellektlə deyil, tamamilə duyğu zəkası ilə bağlı bir gerçəkdir ki bu da yalnız körpəlik əhvalının nəticəsidir...”