Ardarazli [Off] (17.03.2018 / 13:02)
Almanlar təzə çörəyi sevir.
O gün dərs oxumaqdan beynim yorulduğunu hiss edib 1 km uzaqlıqda yerləşən supermarketə piyada getməyi qərar verdim.
Almaniyanın paytaxtı, gözəl şəhər Bakıda gəzərkən şəhərin gözəlliyinə aşiq olmuşdum. Yağışdan sonra yerdə yığılıb qalan suya girdikcə ayaqqabılarım sanki yeni alındığı formaya qayırdı, gözəlləşirdi.
Supermarketə daxil oldum, gəzərək çörək bölməsinə çatdım. Bir orta yaşlı kişi çörək seçirdi. Bütün çörəklərə əl ilə toxundu, sonra paketini soyundurub palpasiya (əl ilə müayinə) ilə təzə olduğunu yoxlayırdı.
Sonra bir qadın peyda oldu. Qadın almanların baş naziri Merkelə necə oxşayırdı, ilahi. O biri kişi kimi çörəkləri palpasiya etdi, paketini soyundurub palpasiyaya davam etdi, yerinə qoyub başını narazı tərpədərək getdi.
O biri tərəfdən həmin kişi geri qayıtdı, əlində bayaq götürdüyü 2 çörəyi geri qoydu, yan tərəfdə eyni qiymətə olan 1+1 çörəklərini palpasiya etdi, axırda birini götürüb getdi.
Əsəbiləşdim, ağsaqqal niyə belə edirsən deyə almanca necə deyəcəyimi düşünməyə başladım, beynim error verdi, donub qaldım.
Özümə gələndə çörəklərdən birini götürüb kassaya yaxınlaşdım. Bank kartını uzatdım ki, burdan çıxın pulu.
Kassir oğlan mənə tərs-tərs baxdı. Simasından oxudum ki, yekə kişisən, bir çörəyin pulu nədir ki, onu da kartla ödəyirsən.
Əsəbləşmə dedim, qəpikləri çıxarıb verdim, supermarketdən çıxdım.
Çölə çıxanda ətrafa baxdım, səhv salmışdım. Almaniyada deyildim, artıq çoxdan Bakıya qayıtmışıq.