Ardarazli [Off] (24.03.2018 / 20:59)
Yale Universitetində təxminən 2005-ci ildə maraqlı araşdırma aparılıb. Araşdırmanı maraqlı edən onun meymunlar və pul ilə bağlı olmasındadır. Universitetin iqtisadi bölümdə işləyən professoru Keith Chen araşdırma ilə meymunlar ilə pul arasında əlaqənin insanlar ilə pul arasında əlaqəyə oxşarlığını müəyyən etmək üçün keçirir. Beləliklə,təcrübə universitetin laboratoriyasında keçirilir. Qəfəsdə olan 7 meymuna pul kimi istifadə üçün gümüşü rəngdə olan boltlar verilir. Meymunlar əvvəlcə bunun nə olduğunu anlamır,qoxlayır və anlamağa çalışırlar. Bununla paralel meymunlara qida kimi alma,banan,üzüm verilir,ancaq bu meyvələr verilərkən onlardan bolt alınıb sonra verilir,mübadilə vasitəsi kimi. Bu cür həftələr çəkən alış-verişdən sonra meymunlar əllərindəki dəmir boltların gücünü anlayır və artıq özləri ondan mübadilə vasitəsi kimi istifadə edir,digərlərindən qoruyur.

Bu müddətdən sonra araşdırmaçılar meymunların da insanlar kimi rasional qərar verib-vermədiyini yoxlamaq üçün meyvələrə xüsusi qiymətlər qoyurlar, məsələn alma 1 bolt, üzüm 2 bolt,banan 3 bolt. Doğrudan da gözlənilən olur və daha çox qazanc əldə etmək üçün 2 bolt verib 2 alma almağı eyni qiymətə üzüm almaqdan daha üstün tuturlar, ya da zamanla pulları artdıqca banan almağa yönəlirlər və s.

Günlərin bir günü qəfəsdə bir meymun məcməyidə çoxlu boltların olduğunu görmüş və əli ilə onu qəfəsdən almaq istəyərkən bütün boltlar qəfəslərə tökülmüş və digər meymunlar da bunları əldə etmək üçün bir-birini əzmişdir. Universitet işçiləri bu hadisənin simvolik olaraq "Meymunlar tarixində ilk soyğun" adlandırmışlar :)

Daha maraqlı hadisə isə, araşdırma müəllifi Keith Chen-i daha da təəccübləndirmişdi. Belə ki,qəfəslərdəki erkək meymunlar dişilərə boltları təklif edərək cinsi əlaqədə olmağı istəməyə başlamışdı - Meymunlar tarixində fahişəlik =)
Professor Keith Chen bu nəticələri özü də gözləmədiyi üçün, meymunların gündəlik yaşamlarının pozulduğunu bildirərək təcrübəni dayandırmağa məcbur olmuşdu.