Ardarazli [Off] (29.03.2018 / 14:42)
Qırxayağın neçə ayağı var?

Mərc edib 30-dan tutmuş 750-yə qədər rəqəmi desəniz, uduzmazsınız. Bircə 40 rəqəmi üzərində israr etməyin. Çünki tədqiqatçılar məhz 40 ayağı olan qırxayağı hələ tapmayıblar.
Elmə 13 minə qədər qırxayaq növü məlumdur. Bunlardan 11-nin qazıntılar zamanı qalıqları aşkar edilib. Qalan növlər bu gün də mövcuddur. Növündən və yaşından asılı olaraq bu həşəratların ayaqlarının sayı dəyişir. Təzə doğulmuş qırxayağın cəmi bir neçə cüt ayağı olur. Sonradan onları sayı sürətlə artır.
Bəs niyə onlara belə qəribə ad qoyublar?
İş ondadır ki, 40 rəqəmi(türklərdə "qırx", "kırk", ruslarda səslənməsinə görə ona yaxın olan "sorok") bir vaxtlar bəzi xalqların dilində təkcə konkret say bildirməyib, həm də sayı məlum olmayan çoxluq ifadə edib. Məsələn, rus dilində "sorok sorokov", yəni qırx dəfə qırx, 1600 yox, "saysız-hesabsız" anlamına gəlir.
İngilis dilində isə qırxayaqlar dəstəsini Myriapoda adlandırırlar. Yunan sözü olan "miriada" - 10000 deməkdir. Doğrudur, on min ayağı olan həşəratı hələ heç kim görməyib. Yer üzündə ən çox ayaqlı heyvan 1926-cı ildə ABŞ-ın Kaliforniya ştatında qeydə alınmış _ilacme plenipes_ adlı qırxayaq növüdür. Onun 750 ayağı var. İkinci dəfə bu həşərata təbiətdə bir də 79 ildən sonra rast gəlinib.