Ardarazli [Off] (20.05.2018 / 06:58)
Dünən tarixin yetidşirdiyi komandirlərdən biri olan Mustafa Kamal Atatürkün doğum günü idi. Nəyə görə mənim Atatürkə rəğbətim var? bunu qısada olsa izah edim.
600 il mövcud olan Osmanlı imperiyası yalnızca fiziki güc ilə ayaqda qala bilmişdi. Lakin Osmanlıdakı problemləri görən Atatürk vəziyyətdən çıxış yolunu çox yaxşı bir şəkildə təyin elədi. O başa düşürdü ki, Osmanlının probleminin əsas ana qaynağı modern düşüncəyə sahiblənə bilməməsidir. Atatürk, gücü fiziki qavrayan türk xalaqına yanıldıqların və yaşadığı əsrdə gücün fiziki deyil zehni olduğunu göstərdi. Məsələn Atatürk 1936cı ildə Türkiyənin Eskişehirində yerləşən Təyyarə Alayına səfəri zamanı orda bu nitqi demişdi: "Bir gün İnsanoğlu təyyarəsiz göylərdə gəzəcək, planetlərə gedəcək bəlkə də Aydan bizə xəbərlər yollayacaqdır. Bu möcüzənin reallaşması üçün 2000 il gözləməyə ehtiyac qalmayacaq. Inkişaf edən texnologiya indidən bizə bunu müjdələyir və bizə düşən vəzifə isə, Qərbdən bunu mənimsəməkdə gec qalmamaqdır"

Bu onu göstərir ki, Atatürk xalqının modern düşüncəyə sahiblənməyini istəyirdi və fəaliyyəti isə bundan ibarət olmuşdu. Məsələn Albert Eynşteynin məktubu ilə 40 elm adamını ölkəsinə qəbul etməyi bu yöndə atılan addımlardan idi.

Xatırlayırsınızsa Türkiyədə TÜBİTAK kimi bir mərkəzə nəzarət edən və özünü Osmanlının varisi bilən Ərdoğan hakimiyyəti İmam Xətib məktəblərini dəstəklədiyi qədər, İlayda Şamilgil kimi bir savadlı gəncə arxa durmadı, əvəzində İlayda xanıma ABŞ öz yardım əlini uzatdı, onu NASA-ya cəlb etdi. Atatürkə düşmən mövqeyində olub, elmdən kənarlaşıb,Təkamül Nzəəriyyəsinin tədirisin qadağan edən, bütün var gücünü dini idarəciliyə yönəldib, olmayan demokratiyasından, insan haqqlarından danışan Ərdoğan rejimi türk xalqı üçün doğurdanmı işıqlı gələcək vəd edir? Axı biz bunu tarixdə elə Ərdoğan kimilərinin hakimiyyəti, güc olmasından bilirik. İbn Sinaların, Farabilərin lənətləndiyini, insan ağlını kiçik görməyi, riyaziyyatı şeytan əməli elan etməyidə tarix bizə deyir və bunun nəticələridə elə göz qabağında deyilmi?

Nəticə olaraq,türk insanın əlindən tutaraq ona yazmağı öyrədən Atatürkün fərqi istənilən halda görülməkdədir. Və Atatürkü Ərdoğana dəyişən xalq gec tez məğlub olacaqdır. Çünki modern düşüncəyə adaptasiya ola bilməyən, ondan kənar olan xalqlar, təbiətdə can verməkdədir.

Poetik olaraq onu yad etmək üçün "bütün türklərin atası" deməyək, çünki bütün türklər, xüsusən zehniyyəti ərəbləşənlər ona ata demir. Ancaq biz bunu fərqli deyə bilərik: ATATÜRK- MODERN DÜŞÜNƏN BÜTÜN TÜRKLƏRİN ATASI"