Ardarazli [Off] (20.05.2018 / 07:03)
***
Dünən Türkiyədə 19 May - Atatürkü anma, gənclik və spor (idman) bayramı idi...

...Və 1905-ci ildə qurulmuş Galatasaray klubunun idmançıları - futbolçuları bu gün, 19.05 tarixində, növbəti çempionluğunu qazandı.

Galatasaray idman klubu olmaqdan öncə elm, təhsil ocağıdır. GS litseyi Osmanlı dövründə (XIX əsrin ikinci yarısı) fransız laisizmi əsasında təhsil verdiyi üçün o vaxtdan bəri Türkiyənin Qərbə açılan qapısı adlandırılır. Litseyin müəllimi olmuş məşhur türk şairi Tevfik Fikrət bunu öz misralarında belə təsvir etmişdi:

Düşünce özlemine açık bir ufuktur Batı,

Sen ise Doğunun bu ufka ilk açılan kapısı...

İngilislər kimi futbol oynamaq xəyalı ilə litseyin türk şagirdləri tərəfindən qurulmuş GSK Türkiyəyə idmanın bir çox növünü Qərbdən gətirmiş qurumdur. Bu sırada Azərbaycan Xalq Cümhuriyyətinin daxili işlər naziri, İstanbulda erməni terrorçusu tərəfindən qətlə yetirilmiş Behbud Xan Cavanşirin eyni adlı nəvəsinin də rolu var. GS litseyini bitirən və klub tarixinin önəmli simalarından biri olan Behbud Cavanşir Türkiyəni tenis, qılıncoynatma və dağa dırmanma idman növləri ilə ilk tanış edən şəxsiyyətlərdən biridir. O, həm də çox məşhur həkim - tibb professoru olub və 1999-cu ildə vəfat edib...

Atatürk də Cümhuriyyəti məhz fransız laisizminin prinsipləri əsasında qurmuşdu. (Maraqlıdır ki, Fransada kilsənin dövlətdən ayrılması haqqında qanun da 1905-ci ildə qəbul olunub Heç şübhəsiz ki, GS öz litseyi, universiteti ilə cümhuriyyət dövründə Atatürkün müasir mədəniyyət hədəfinə ən böyük töhfə verən qurumlardan biridir.

Məncə, dünən Atatürkün ruhu şad oldu...