Ardarazli [Off] (05.07.2018 / 17:08)
Sonadək oxuyun. İbrətamiz hekayədir.

17 fevral 1959-cu ildə Türkiyənin Baş naziri Adnan Menderesin olduğu THY aid təyyarə Londonda qəzaya uğrayır.
Təyyarədə olan 21 nəfərdən cəmi 7 nəfər, o cümlədən Menderes sağ qalır.
Menderes ölkədə coşğu ilə qarşılanır. Onu qarşılayanlardan biri də CHP başqanı İsmet İnönü idi.
Amma maraqlısı bundan sonradır...
Birdən kütlə arasında bir əlində bıçaq, digər əlində isə bir uşaq tutmuş adam gözə görünür və kütləni yara-yara Menderesə tərəf gəlir. Menderesə çatanda kişi uşağı yerə uzadar, bıçağı onun boğazına dayayıb “Səni Allah bizə qaytardı, icazə ver mən də oğlumu sənin yolunda qurban kəsim” deyir.
Menderes və digərləri çaşqınlıq və qanı donmuş vəziyyətdə kişiyə baxır. Müdaxilədən sonra uşağı və kişini ərazidən uzaqlaşdırırlar.
Bu hadisədən düz 18 ay sonra, 17 sentyabr 1961-ci il.
Adnan Menderes 1960 çevrilişindən sonra rüşvətxorluqda ittiham edilərək edam edilir. Edam kürsüsünə çıxır, kəndir boğazına keçirilir. Onu həyatla ölüm arasında bağlayan stula zərbə endirilir və Menderes çırpına-çırpına ölür. Bütün proses 8 dəqiqə davam edir.
Menderesin ayaqları altından stulu itələyən kim idi, bilirsiniz? Bilməyənlər üçün deyim:
Menderesi qarşılayan zaman oğlunu qurban kəsmək istəyən şəxs, üsküdarlı Kamal Ayson idi...
İnsan oğlu budur. Yaltağa heç vaxt inanmayacaqsan.