Miss_Lumu [Off] (28.07.2018 / 22:04)
Sadizm son həddinə çatıb doyanda mazoxizmə çevrilir. Ondan sonra əzməkdən xoşlanan insan (daha çox kişi) bu dəfə əzilməkdən xoşlanır. Sadizm eqonun özünü son dərəcə hiss etmək ehtiyacından irəli gəlir. Kişi eqosunu hər şeydə hiss etmək, görmək, hər yerdə varlığının əlamətinə şahid olmaq arzusundadır. Əzmək aşağılamaqdır və bu zaman özündən başqa hər şeyin ondan alçaq olmasını sübut etmək, eşitdirmək üçün bütün enerjisini sərf edir. Siyasət, müharibə (öldürmək, əsir götürmək, başqa torpaqları işğal etmək), zənginlik, qəssablıq, əmr və tələbin çox istifadə olunduğu bütün işlər, idman, seks, bütün risklər sadizmin fəaliyyət meydanlarıdır. Qışqırmaq, kobudluq, vəhşi kimi yemək, döymək, tüpürmək, söyüş söymək, yüksəkdən danışmaq, danışarkən əlləri irəli aparmaq, ayaqlarını aralayıb oturmaq, baxarkən göz bəbəklərini tərpətməmək, sinəni irəli vermək, oturacaqda tam yayılaraq oturmaq və qadınlara seks obyekti kimi baxmaq sadist insanların əsas əlamətləridir. Sadizm tarixin hərəkətverici qüvvəsi olub. Mədəniyyətləri yaradan əsas səbəb müharibələr olmuş, müharibələri də sadist insanlar başlatmışdır. Insanlığın təmbəllik, durğunluq və passivliyini sadist ruhlar oyatmış və inkişaf prosesinin davam etməsinə təkan vermişlər...
Sadizm böyük enerjidir. Əgər bu enerji qeyri-şüuri tükədilərsə eqo qısa zamanda tam doyacaq və ondan sonra geri proses – mazoxizm başlayacaqdır. Insan artıq özünü tam sübut etdiyini hiss etdikdə və ya artıq sübut etmə potensialı görmədikdə eqonu əhatə edən bütün varlıqlar onu sıxmağa, əzməyə və aşağılamağa start verəcəkdir. Bu proses şarın şişib son həddə partlamasına bənzəyir. Təbii ki insanın enerjisi qalmadığı üçün bu əzilməni qəbul edərək aşağılanacaqdır. Bu halda aşağılanmaq insana pis təsir etməyəcək. Çünki artıq varlığını sübut etdiyini düşünərək kimisə, nəyisə aşağılama gözləntisi olmayacaqdır. Aşağılanma o zaman pis təsir edir ki, onun əksinə can atsın və ya ən azı bunu arzulasın. Bu həm millətlərin, həm də insanların həyatında baş verən gerçəklikdir. Biz özümüz konkret yadda qalan 9 belə ailəyə şahid olmuşuq ki, kişi bəlli yaşa qədər qadını döyüb, söyüb, aşağılayıb, lakin həmin yaşdan sonra bu nisbət dəyişərək kişinin qadın tərəfindən eyni münasibət görməsilə nəticələnmişdir. Qadının hər növ alçaltmasını kişi, sanki belə olmalıymış kimi çox rahat qəbul etmişdir. Millətlərin həyatında da bunun açıq örnəyi monqollardır. 13-cü əsrə qədər bütün dünyanın kabusuna çevrilən bu millət ondan sonra zəifləməyə və ayrı-ayrı dövlətlərin nəzarətində əzilməyə başlamışdır. Bu gün isə varlığı heç hiss olunmayan bir ölkədir. Almanlar da müharibədən sonra xüsusilə ADRdə son dərəcə təhqir və aşağılanmağa məruz qalmış millət olmuşdur. Sadizmi yüksək olan hər bir millətin həyatında elə həmin dərəcədə mazoxizmi görmək mümkündür. ABŞ və Rusiyanın hərbi hədələri qarşısında bu gün Avropanın fiziki süstlüyü də keçən əsrlərdə bu qitə ölkələrinin sadist imperiya siyasətinin bir nəticəsi də ola bilər.