Ardarazli [Off] (07.08.2018 / 07:08)
Hadi atestlər bunu izah edin)))))))(

Toksoplazmoz
Dünya əhalisinin 50%i bu parazitə yoluxmuş haldadır-çoxunun sadəcə bədənində yad heyvan daşıdıqlarından xəbəri yoxdur :D Bu parazitin cinsi çoxala biləcəyi yeganə məkan pişikkimilərin bağırsağıdır-niyə məhz belə bir seçim? Bilmirik.
Məqsədim bu parazitlərin bioloji terminlərlə dolu həyat tsiklini yazmaq deyil. Bizi düşünməyə (daha doğrusu inanmıram hamı mənim kimi axşamlar yuxuya getməzdən öncə belə şeyləri beynində təhlil etməyə zaman ayırsın. Normal yuxu görmək üçün normal şeylər düşünmək lazımdır əslində :D ) təhrik edən kiçik bir ibtidainin ağıllı həyat strategiyasından bəhs etməkdir.
Siçanlar bu həyat hekayəsinin qəhrəmanlarıdır (biologiya dili ilə desək pişiklərin ekskrementlərini yeməklə yoluxan aralıq sahibdirlər). Ən maraqlısı bundan sonra başlıyır. Toxoplasma gondii (parazitin elmi adı) siçanı elə manipulyasiya edir ki, normal bildiyimiz siçan pişiklərdən qorxub qaçdığı halda, yoluxmuş siçanlar belə desək özləri pişiklərin ağızlarına atılırlar. Bu mexanizm necə baş verir?? Parazit tədricən siçanın beyninə girərək onun düşməndən gələn feromon iyinə cavabdeh olan limbik sistemdə həyəcan siqnalı göndərən şöbəni söndürür. Beləliklə toxoplasma öz gələcək inkişafı naminə -pişik bağırsağına düşməkçün siçandan silah kimi istifadə edir.
Məsələnin bir maraqlı tərəfi də var. Toxoplazmoz olan erkək siçanların beynində testesteron hormonunun sintezinə cavabdeh olan neyrohumoral sistemi işə salır. Testesteronun sintezi onu daha cəbedici erkək kimi göstərir və bu dişiləri özündən çıxardır. Burda biz hətta simbiotik əlaqədən danışmaq hüququ da qazanırıq. Çünki testesteron sintezi ilə erkəyi qrupda alfa erkək kimi göstərən və onu dişilərin sevimlisinə çevirməklə parazit imkan yaradır ki, erkək bu keyfiyyətləri ilə öyünsün və ən yaxşı statuslu dişi ilə cütləşsin (seksual balans). Əvəzində parazit erkəyin sperması ilə dişinin bədəninə daxil olur və deməli öz missiyasını gələcək döllərdə icra etmiş olur.
Toxoplasma insanda latent vəziyyətində illərcə qala bilər lakin tədricən bizi nevroz etməklə (ümid edirəm məndəki nevrozun səbəbi bu deyil :D ) sonda isə bizi şizofreniyaya tutulma riskini artırmaqla, şəxsiyyət pozğunluğu kimi müxtəlif neyropsixoloji problemlərə sürükləməklə içdən bizi məhv edir.
Biləndə ki, bir parazit (yeri gəlmişkən sahibini ağıllı manipulyasiya edən belə parazitlər çoxdur) neyronlarda agressiyanın mexanizmini, neyronlararası xəbərləşməni, hansı şöbənin hansı davranışı idarə etdiyini tarix boyunca olan bütün nevrobioloqlardan daha yaxşı bilir onda sual olunur bütün bunları tək hüceyrədən ibarət hər hansı parazit necə edə bilir axııııııııı?????? Belə sualları vermək cavabını yetərincə ala bilməyəcəklərinə əmin olan teistlər üçün nə qədər özünəgüvən yaradırsa, ateistlər üçün suala tutarlı arqument gətirmək o qədər işgəncə olur. Çünki biz yalnız artıq baş verən, hadisəni yəni nəticəni izah edə bilirik sonrası isə bizi utopiyaya aparır.
Siz fikirləşin……

Xahiş edirəm "Yaradılış İşarələri"kimi səhfələr götürüb paylaşıb axırına da .
"İlahi dizayn" yazmasınlar