dayangorum [Off] (09.08.2018 / 14:20)
Futbol deyəndə çox vaxt ağıla 22 futbolçu, 4 hakim və 1 futbol topu gəlir, amma bəzən bu oyunu sadəcə " oyun" olaraq adlandırırıq. AS Roma və SS Lazio derbisi haqqında verəcəyimiz məlumatlardan sonra bu "oyun" haqqında yenidən düşünə bilərik:
"Derby della Capitalle", "Derby del Cupolone", "Derby di Roma" və.s.. Bu paytaxt derbisini siz bir neçə adla adlandıra bilərsiniz, lakin burada əsas məsələ adı deyil, tarix boyunca aralarında əzəli rəqabət olan AS Roma və SS Lazio'dur. Bu derbiləri xüsusi edən də gərgin mühitdə keçməsi və mübahisələrlə yadda qalmasıdır. Hətta 1979-cu ildə Lazio fanatı olan Vincenzo Paparelli AS Roma azarkeşləri tərəfindən qətlə yetirilmişdi. Qarşıdurmanın tarixi isə belədir: AS Roma klubu 1927-ci ildə faşist generalı Benito Mussolini tərəfindən yaradıldı. Səbəb? O vaxtlar Roma şəhərində futbol klubu olaraq SS Lazio dominantlıq edirdi... İtaliyan general faşizmin hər sahədə dominantlıq etməsinin istəməsi ilə birlikdə belə bir layihəyə imza atdı. Yaranışından sonra şəhərdəki 3 klub AS Roma'nın tərkibinə qoşuldu, lakin Lazio bu təklifi rədd etdi və bir neçə il sonra səbəbi hələ də kölgə altında qalan hadisələrin baş verməsi ilə Lazio liqadakı autsayderlərdən birinə çevrildi və bu komandanın böyük azarkeş ordusunun sayı kəskin sayda azalmaöa başladı. Maraqlısı da odur ki, Lazio'nun bu dövrə qədər şəhərin əsas komandası olmasının səbəblərindən biri də elə digər bir faşist generalı Giorgio Vacarro idi. O, faşist olsa belə, əsl bir Lazio azarkeşi idi və AS Roma yaranandan bəri daima klubuna sadiq olub, komandaya olan dəstəyini heç vaxt əsirgəməmişdi. Baxmayaraq ki, qarşıda Mussolini var idi. Vaccaro kimi sadiq azarkeşlər yenə də mövcüd idi və qarşı tərəfdəki fanat kütləsi Lazio'lulara mağarada yaşayan, geri qalmış insanlar kimi dəyərləndirirdi
lər. Həmin sistemin dağılmasına rəğmən Lazio azarkeşləri hələ də AS Roma'nı faşist komandası olaraq adlandırırlar. Onlar hətta bununla bağlı oyunlarda bir neçə banner də açıblar: "Zəncilər, daha sonra yəhudilər..." [Faşistərin etdiyi zəncilərin qətliamı və "Holokost" nəzərdə tutulur] və 1990-cı illərdə böyük mübahisə mövzusuna səbəb olan digər banner: "Auschwitz şəhəriniz, ocaqlar isə evinizdir". Bəhs etdikləri Auschwitz 2-ci dünya müharibəsində faşistlərin işğal etdiyi yerlərdə yaratdıqları Nasist düşərgələridir.
Sizə bu mübarizənin tarixi haqqında məlumat verdik və bir futbol topunun ətrafında nələrin baş verə biləcəyinə bir dəfə də şahid olduq
mənbə avropa liqaları