Ardarazli [Off] (25.08.2018 / 09:52)
İranlı professor Hesabi deyir:
Amerikada təhsil aldığım illərdə bir kollektiv işdə Katrina və tanımadığım Filip adlı bir şəxslə eyni qrupa düşmüşdüm.
Katrinadan soruşdum:
-Filipi tanıyırsan?
-Bəli, uzun saçları olan, həmişə ön cərgədə oturan oğlan,- Katrina dedi.
-Bilmirəm kimi deyirsən.
- Yaraşıqlı, həmişə zövqlə açıq rəngdə köynək və şalvar geyinən oğlan.
-Yenə də tanıya bilmədim.
- Həmişə partfeli ilə ayaqqabıları eyni biçimdə olan oğlan.
Yenə də kimi nəzərdə tutduğunu bilmədim. Katrina çox yavaş səslə dedi:
- Filip də, mehriban, əlil arabasında oturan oğlan...
Bu dəfə kimi dediyini bildim. Amma çox dərin düşüncələrə daldım...
İnsan nə qədər müsbət baxışa malik olmalıdır ki, mənfi və nöqsanlara göz yuma bilsin.
Müsbət görmək necə də gözəldir.
Öz-özümə düşündüm ki, Katrina məndən Filip barədə soruşsaydı nə cavab verərdim?
Mütləq tez "Qabaqda oturan əlil oğlan!"- deyə cavab verərdim.
Katrinanın baxışını öz baxışımla müqayisə edəndə çox xəcalət çəkdim.
Bəs biz ətrafımıza hansı gözlə baxırıq?
Mənfi yoxsa müsbət?