Ardarazli [Off] (27.08.2018 / 23:57)
Psixologiyada 'Piqmalion' effekti adlanan fenomen var. Robert Rosental adlı alman psixoloq 1969-da ibtidai sinif şagirdləri üzərində bir təcrübə həyata keçirərək, bunu ortaya çıxarıb deyə 'Rozental effekt'i də adlanır.

Təcrübəyə keçmədən öncə, qısaca yunan mifologiyasındakı heykəltəraş Piqmaliondan bəhs açaq.

Əsatirə görə, bir gün o, ideal qadını təmsil edən, fildişindən heykəl yonur. Əsərdəki qadın o qədər gözəl olur ki, Piqmalion özü öz yaratdığına aşiq olur, ona Qalatea adını verir. O, sevgi tanrıçası Afroditaya yalvarır ki, onu canlanırsın, guya, elə də olur.

'Piqmalion' effkti adını buradan alıb, yəni öz yaratdığı, uydurma bir obraz həqiqətə çevrilir.

Deməli, bizim bu Rozental kişi uşaqların IQ testini və uğurlarını müəyyənləşirib, qeyd edir bir yerə. Daha sonra, bir qrupu seçir, deyir ki, guya, bu uşaqlar çox zəkalıdır. Hər kəs də inanır buna və uşaqlara o cür davranırlar.

Gələn il təkrarən yoxlayır. Nəticələr çox maraqlıdır; görür ki, bu dediyi qrupun həm IQ-sü artıb, həm uğurları.

Sözümün canı nədir? - Odur ki, gəlin uşağa dərslərində aşağılaya-aşağılaya, tənbehləyərək, ağzına gələni deyərək yox, onlarda özlərinə inam yaradaq, yardım etməyə çalışaq.

Xəstələrdə də buna bənzər effekt var, məsələn, onlar 'sağalacaqsan' inancı yaratdınsa, depresiyadan, stressdən qurtulmasına, dolayısıyla, sağalmasına dəstək olarsan.