Ardarazli [Off] (29.08.2018 / 17:10)
“Harvard alimlərinin araşdırmalarına görə sevgililər arasında münasibətləri bitirən səbəblərdən biri də “əfsanə gözləntisi sendromu”du. Tərəflər bir – birilərinə xəyallarında canlandırdığı əfsanəvi prototiplər kimi baxır və yanlış olaraq da sevgililik və nişanlılıq dövrlərində buna uyğun yaşamağa çalışırlar. Lakin insan bir ömür qeyri-təbii halda yaşaya bilməz. Hər bir insanın özünə görə darıxdırıcı, bezdirici tərəfləri var. Halbuki, tərəflər müəyyən bir müddət ərzində bunu bir-birilərindən gizlədirlər. Yəni münasibətlərin “reklam dövrü” adlandırdığımız həmin zamanda hər şey ideal və xəyallarda olduğu kimi cərəyan edir. Lakin iş ciddiyə doğru getdikcə hər kəs öz əhvalına qayıtmağa başlayır, əfsanə və xəyali prototiplər havaya uçur. Heç bir tərəf digərinə etiraf etməsə də hər biri vəziyyətin getdikcə dəyişməsinə görə xəyal qırıqlığına düşür. Xəyal yuxusu real oyanışla əvəz olunur.

Ona görə də elə ilk münasibətlərdən tərəflər bir-birilərinə yalnız müsbətləri deyil, mənfiləri də göstərməli və özlərini tam şəkildə təqdim etməlidirlər. Bir insanın ətir qoxusu ilə yanaşı tər və tualet qoxusunun da olduğunu unutmaq olmaz. Hər kəs elə ilk andan bunu zehnində canlı tutsa yaranan münasibətlər daha dərin və davamlı olacaq.”

(Harvard universitetinin dr. Emi Qaddinin “Psixi Rahatlıq” əsərindən..
(c). AKSİOM