__DeFeND__YouR__SeLF__ [Off] (25.09.2018 / 20:39)
Bir narkamanin etiraflari....

İlk dəfə narkotik maddənin hansı növündən və nə vaxt istifadə etmisiniz?

- İlk dəfə 8-ci sinifdə xaş-xaşla başlamışam. Öz aramızda “ot” deyirik. Dərsə getmirdim, avara uşaqlara qoşulub çəkirdik. Eehh, yenə o günlər düşdü yadıma.

- Narkotik maddədən ilk istifadə sizə necə təsir etmişdi?

- Pis təsir etsəydi 29 yaşıma qədər istifadə etməzdim.

- Narkotik aludəçiliyin sonunun erkən ölüm olduğunu hər halda bilirsiz...

- Mən öləcəm, ancaq narkotikdən yox. Çünki həddən artıq və iynədən istifadə etmirəm. Sadəcə, həyatın gözəlliklərini dərk etmək üçün xaş-xaşdan istifadə edirəm.

- Ailə quranda həyat yoldaşınız narkoman olduğunuzu bilirdi?

- Əlbəttə yox. Sonradan öyrəndi. Ancaq mən nəşəli olanda problem çıxarmadığım üçün heç bir söz demədi.

- Narkotik maddə sizə nə verir?

- Özümü xoşbəxt insan hesab edirəm. Arzuladığım, ancaq heç vaxt gerçək olmayan fikirlər, ideyalar gəlir ağlıma.

- Maraqlıdır, nə fikirdir o elə?

- Xəyallar qururam. Təsəvvür edirəm ki, “Neftçi” “Barselonaya” 5-0 qalib gəlir.

- İçki də içirsiniz?

- Yox. Əsla.

- Niyə?

- Çünki içki haramdır. Qurani-Kərimdə yazılıb ki, spirtli içkilər haramdır.

- Bəs, narkotik haram deyil?

- Yox. Quranda narkotik haramdır yazılmayıb.

- Qurana inanırsınız. Bəs cənnət-cəhənnəmə necə?

- Mən indi də cənnətdəyəm. Mənim cənnətim narkotikdir.

- Narkoman adı sizə pis təsir etmir?

- Mənə narkoman deməyin xahiş edirəm. Mən narkoman deyiləm, sadəcə, həyatdan zövq alıram.

- Gündə neçə dəfə istifadə edirsiniz?

- 5-6 dəfə.

- Çox deyil? Axı, bu, həyat üçün təhlükəlidir.

- Ot nə vaxtdan adam öldürür? Heç nə olmaz. Zövq almaq lazımdır.

- Narkomanlığa görə kimsə sizi alçaldıb?

- Məni kim alçalda bilər? Otdan istifadə edəndə dünya ayağımın altında olur, nəinki insanlar.

- Nə vaxtsa bu vərdişi buraxmaq fikriniz var?

- İstəsəm, sabah ataram.

- Axı narkotiki buraxmaq çətin olur.

- Güclü iradəsi olan buraxa bilər...