Ardarazli [Off] (03.12.2018 / 05:46)
“ Brat ” filmi ilə çoxlarımızın beynində həkk olunan Sergey Bodrovun həyat yoldaşı Svetlanaya yazdığı məktubdan bir parça:

- “Mən insanların necə öldüyünü bilmirəm. Biz bunu görürük, amma özümüz ölmürük. Biz öləndə isə, bunu başqaları görür. Bəzi şeylər var ki, onları bilmək, onlar haqqında düşünmək lazım deyil, onlar haqqında heç kim heç nə bilmir. Bilirsən, həyatımda birinci dəfədir ki, öz evimin olmasını istəyirəm. Bunun qayğısına qalmaq, bunun üçün nəsə etməyə çalışıram. Bütün günü bizim necə yaşayacağımız barədə xəyallar qururam. Biz səninlə çox doğma və çox oxşar insanlarıq. Bir tərəfdən bu çox çətindir, lakin ən əsas məsələdə biz eyni şeyləri hiss edir və bir-birimizi çox yaxşı başa düşürük. Mən həqiqətən də insanların necə ayrıldığını bilmirəm, lakin onlar bir neçə həyat yaşamırlar axı. Ölüm birmənalıdır, sevgi isə yox. Onun qaçınılmazlığı həyatın özündə əks olunub. Elə ölüm də belədir. Bu gün mən elə bildim ki, sənin başına nəsə bir iş gəlib: avtomobil qəzası və ya başqa bir şey. Bilirəm, bilirəm ki, belə şeyləri düşünmək olmaz. Lakin bu düşüncə sənin məni bir gün sevməyəcəyin düşüncəsi qədər dəhşətli idi. Doğrusunu desəm, bu daha da dəhşətli idi. Və mən Tanrıya yalvarmağa başladım və hətta dünən ən qorxduğum şeyin olmasına da razılaşdım. Düşündüm ki, eybi yox, sən məni sevməsən bundan daha yaxşıdır. Məndə ümumiyyətlə hərdən belə qəribə düşüncələr olur ki, sanki biz səninlə eyni insanın müxtəlif xarakterləriyik. Biz xəstəxanada ayrı düşmüş iki əkiz qardaş kimiyik – çox illər sonra görüşmüşük. Bəzi şeylər çətin alınır, amma nəticədə qanımız ki, doğmadır. Sən qəti olaraq mənim qismətimsən. Və mən buna çox inanıram. Və hər nə olursa olsun, sevgi çox önəmlidir. Hətta həyatən ölümdən daha vacib olub-olmadığından asılı olmayaraq. Niyə? Çünki, birincisi bu sonu olması ilə bağlı onunla rəqabət edə biləcək yeganə şeydir. Əgər insan ölübsə, onu sevən insan onu sevməyi dayandırmayacaq. Bu açıq-aydın belədir. İkincisi isə, bunun əksi, belə görünür ki, ola bilməz. Mən sevginin necə bitdiyini bilmirəm. Əgər sevgi bitirsə, deməli bu sevgi deyil…”