Ardarazli [Off] (15.01.2019 / 12:20)
Harri Potter seriyasının müəllifi Joanne Rowling seriyanın ilk kitabını (Harri Potter və fəlsəfə daşı) 1995-ci ildə bitirmişdi. O vaxtlar Coan elə maddi durumdaydı ki, kompüter və printer almağa belə imkanı yoxudu, nəşriyyata göndərmək üçün nüsxəni könhə çap maşınında dərc etmişdi. Kitab bir il ərzində ard-arda 12 nəşriyyata göndərildi və hamısından imtina cavabı gəldi. Nəhayət, növbəti nəşriyyatın (Bloomsbury) müdiri dəyərləndirmək üçün kitabın 1-ci fəslini öz 8 yaşlı qızına oxumağa verir. Uşaq fəsli bitirən kimi ardını tələb edir. Ata qərara gəlir ki, deyəsən bunu dərc etmək olar. Ancaq nəşriyyat Coana tövsiyə etmişdi ki, uşaq ədəbiyyatı ilə uğur (pul) qazana bilməz, yaxşısı budur özünə gündəlik iş tapsın. Həm də, kitab qadın müəllifliyi ilə nəşr olunmasa yaxşıdır, çünki oğlan uşaqları müəllifi qadın olan kitabları xoşlamırlar. Buna görə, Coan qadın adını gizlətməli olur (J.K. Rowling). Nəysə, kitab min tirajla nəşr olunur, yarısı satışa, yarısı kitabxanalara göndərilir. Kitab tanınır, bir neçə nüfuzlu mükafata layiq görülür, ABŞ nəşriyyatlarının diqqətini çəkir. Nəşr hüququ auksionda 105 min dollara alınır. Coan deyib ki, bu xəbəri eşidəndə “az qala ölmüşdüm”. Nəşriyyat yeni şərt qoyur, kitabın adında “fəlsəfə” sözü olmasa yaxşıdır, çünki uşaqlar adında “fəlsəfə” sözü olan kitabları xoşlamırlar. Coan buna da razılaşır, ancaq sonra deyəcəkdi ki, maddi məcburiyyətdən razılaşdım, yoxsa, o şərti əsla qəbul etməzdim.
Xülasə, Harri Potter seriyası bəşər tarixində ən çox satılan kitab seriya oldu (500 milyon nüsxədən artıq). Əsasına çəkilən film seriyası 10 milyard dollar civarı kassa yığdı. Bloomsbury nəşriyyatının inamsızca nəşr etdiyi ilk min nüsxəni indi kolleksionerlər yığırlar, nüsxənin qiyməti 25 min funtdur (54 min manat).