Ardarazli [Off] (28.01.2019 / 19:41)
Bu gün 27 yanvar Leninqrad blokadasının yarılmasından düz 75 il ötür.

İkincü Dünya Müharibəsi zamanı Faşist Almaniyasının SSRİ-ə hücumu vaxtı, 1941-ci ilin sentyabr ayında, başda Faşist Almaniyası olmaqla, Finlandiya və İspaniya qoşunlarının, Şimali Afrikadan və Avropadan olan könüllülərin və İtaliya hərbi dəniz qüvvələrinin də iştirakı ilə blokadaya salınan Leninqrad şəhəri, 872 gün blokadada qalır.

Şəhərin müdafisəi zamanı 24.324 nəfər hərbiçi həlak olur, 111.142 nəfər itgin düşür. Mülki əhalidən artilleriya və təyyarə bombardımanı zamanı 16.747 nəfər, aclıqdan isə 632.253 nəfər həyatını itirir.

Blokada zamanı itlərin, pişiklərin və hətta insanların da yeyilməsi faktları aşkarlanır. Deyilənlərə görə, blokada iştirakçıları insan əti yemiş insanları çox vaxt parıldayan gözlərindən və azacıq qızarmış yanaqlarındna tanıyarlarmış.

Blokada vaxtı insanlara qida kimi yarayıb onların bir hissəsini aclıqdan xilas etdiklərinə görə, blokada yarıldıqdan sonra hələ uzun illər şəhərdə pişiklər demək olar ki, müqəddəs sayılırmış.