_K_O_T_İ_K_ [Off] (02.10.2019 / 21:29)
-Insan var böyüyə-böyüyə qocalır, insan var qocala-qocala kiçilir. Birinci Allahın yaratdığı insanın əsli, ikinci müəllifi bilinməyən surətidir...
-Ingilislər, almanlar çoxdan millətdir, biz isə hələ xalqıq. Xalqın isə qohum olmadığı xalqa əl tutması nonsensdir...
- Dosta dost, düşmənə düşmən olmağı bacarmaq lazımdır. Xalq olaraq, bizim ən böyük qüsurumuz bunu bacarmamağımızdır...
-Hər xalqın içində yaxşısı da, pisi də var. Amma bizim xalqın pisi pislərdən pis, yxşısı yaxşılardan yaxşıdır...
-Bütün sabahlar yeni ümidlər gətirir, bütün axşamlar yeni ümidlərin puç olduğu yerdir...
-Həyatın yazılmamış qaydaları var, bir qayda olaraq, əl tutduğun adamlar sənin ayağından dartar...
-Ağılın qiyməti aldığın əmək haqqının məbləği ilə düz, tərbiyənin həddi etdiyin məzəmmətlərin sayı ilə tərs mütənasibdir...
-Qarşılıqlı olmayan məhəbbət qışda yağan yağış kimidir, soyuqdan, palçıqdan başqa bir şey verməz...
-Dostlar həyat yollarında bitən güllər kimidir, yazda-yayda həyat yolu laləzar olur, payızda saralır-solur, həyatın qışında dostlar da yox olur...