Ardarazli [Off] (30.11.2019 / 17:07)
Bill Qeyts dünyanın ən böyük sərvət sahibi olduğu zaman jurnalistlərdən biri ona belə sualla müraciət edir:

- Necə bilirsiniz, dünyada sizdən daha zəngin olan birisi varmı?

- Bəli, var! - deyə cavab verir və bu əhvalatı nəql edir:

Zəngin olmadığım, heç tanınmadığım zamanlar idi. Nyu-York hava limanındaydım. Qəzet satıcısına rast gəldim. Qəzet istədim, amma xırdam olmadığı üçün ala bilmədim. Fikrimdən daşınıb - "Bağışlayın, xırdam yoxdur" - deyib qəzeti satıcıya qaytardım. Satıcı -"Mən bunu sizə pulsuz verirəm" - dedi və israrla qəzeti mənə uzatdı. Götürdüm. 2-3 ay sonra təsadüfən yenə Nyu-York hava limanında idim və yenə də həmin qəzetçi qarşıma çıxdı. Xırdam olmadığından qəzet almaq niyyətim bu dəfə də baş tutmadı. Qəzetçi keçən dəfəki kimi yenə də mənə pulsuz qəzet təklif etdi. Mən imtina etdim. O, "Xahiş edirəm götürün, mən bunu sizə öz qazancımdan verirəm, zərər etmərəm" deyə təkid etdi. Bu dəfə də qəzeti götürdüm. Bu hadisədən 19 il keçmişdi və mən artıq zəngin idim, yavaş-yavaş məşhurlaşırdım. Bir gün həmin qəzet satıcısı yadıma düşdü, onu axtarıb tapmağa qərar verdim. Təxminən ay yarımdan sonra tapdım. Salamlaşandan sonra ilk sualım belə oldu:

- Məni tanıyırsınızmı?

- Bəli, tanıyıram, Bill Qeytssiniz - dedi.

- Yadınızdadırmı, bir zaman siz mənə pulsuz qəzet vermişdiniz?

- Yadımdadır, bəli, sizə iki dəfə pulsuz qəzet vermişəm - dedi.

- Mən sizin borcunuzdan çıxmaq istəyirəm. Nə edə bilərəm sizin üçün? Buyurun, deyin, həyata keçirim.

Qəzetçi, "Sizcə, indi etmək istədiyiniz bu əməl mənim bir zamanlar etdiyim yaxşılığa tən gələcəkmi? - deyə soruşdu. Mən:

- Nəyi qəsd edirsiniz ki?

O, gülümsəyərək - Mən sizə o yaxşılığı etdiyim zaman kasıb bir qəzetçi idim. Amma siz mənə indi, dünyanın ən zəngin adamı olduğunuz bir vaxtda o yaxşılığın əvəzini çıxmaq üçün kömək təklif edirsiniz. Sizcə, bu, nə dərəcədə doğru bərabərlik olar? Mənə heç nə lazım deyil. Mən hələ də qəzet satıram və kasıb deyiləm əvvəlki kimi... - deyə cavab verdi.

Bəli, mən o gün qəzetçinin məndən daha zəngin adam olduğunu dərk etdim. Çünki o, kiməsə yardım edə bilməsi üçün varlanacağı günü gözləməmişdi. Gəldiyim qənaət budur: İnsanlar bilməlidirlər ki, dünyanın ən zəngin adamları çoxlu pulu olanlar deyil, zəngin ürəyə, xeyirxah qəlbə sahib olanlardır. Xeyirxahlıq kimliyindən aslı olmayaraq hər bir insanı zənginləşdirir.

Mənbə: kissatandinda