Ardarazli [Off] (17.01.2021 / 08:38)
Anasının qarnında taxta çıxan hökmdar...
Sasani hökmdarı II Hörmüz öldüyündə hamilə olan arvadının başına tac qoyub taxta çıxardılar. Beləliklə, II Şapur hələ anasının qarnında olarkən Sasani hökmdarı elan edildi. Elə qadın da uşağını taxta dünyaya gətirdi. Tarixin ən uzun ömürlü hökmdarı olan II Şapur taxta doğulub taxta da ölmüşdür. Ömrü və hakimiyyəti tam 71 ildir. Hətta hakimiyyəti ömründən 6 ay uzun olmuşdur. 309-371-ci illər arasında hökm sürən II Şapur dövründə Roma imperiyasında tam 14 imperator yer dəyişdirmişdir. O imperatorlardan birini də elə Şapurun özü öldürmüşdür.
II Şapurun bir başqa xüsusiyyəti də zərdüştlüyü Sasanilərin rəsmi dini elan etməsidir. Əgər onun atəşpərəstlik təbliğatı olmasaydı İran coğrafiyasının tamamı xristian olacaqdı.
Ərəb mənbələrində II Şapur “züləktaf” adlanır. Buna səbəb, onun Bəhreyni istila edərkən əsir olaraq ələ keçirdiyi ərəblərin çiyinlərini deşdirərək zəncirlərlə bir-birinə bağlaması olmuşdur. Züləktaf “çiyinlərin sahibi” deməkdir. Pəhləvi mənbələrində buna “Huba sumba” deyilirdi.