!=!DEVIL MAY CRY!=! [Off] (08.08.2021 / 23:58)
Tanış  bir ailəyə toy düyünlə "ömürlük  köç"  edən bir gəlini görəndən, onunla  bir balaca ünsiyyətdə olub, bir süfrə kənarında  əyləşəndən sonra məndə bir neçə sual yarandı..   " -Gəlinə göz verib işıq vermir qaynanası..Müxtəlif bəhanələrlə hər dəfə dava, söz söhbət salır evə..- Niyə? Yoldaşı bəs  nə deyir ?-Yoldaşı pis adam deyile, onu anası yoldan çıxarır. Anası  nə desə ona inanır. Yoxsa özü yaxşıdır, anasının sözüylə yazığı neçə dəfə döyüb.."      Görəsən öz düşüncəsi olmayan insandan daha  təhlükəli canlı varmı dünyada?..  Öncədən görüb,  kiminlə evlənəcəyini bilərək  evinə gəlin gətirdiyi bir qıza çirkinsən, pintisən, bacarıqsızsan deyib incidən. Məhz savadsız olduğu üçün ala bildiyi bir  varlığı  sən heç nə bilmirsən ,avamsan deyib alçaldan. Özünə bir qadın kimi baxması üçün ona heç bir maddi və mənəvi dəstəkdə  yardımçı olmayaraq, hətta "Sən təzə gəlinsən bəzənmək sənin nəyinə lazım, kimə özünü göstərirsən?"- deyib əziyyət belə verən bir ailə..  Qızın ata və anası övladlarına təhsil verə  biləcək qədər maddi duruma malik insanlardır dedilər ..Amma iki övladlarından heç birinə hətta ibtidai təhsil belə  verməyiblər. Qızla iki üç kəlmə  çox  çətinliklə danışmaq, ünsiyyət qurmaq mümkün görünür..Küt və boş baxışlar ilk nəzərdə  insanın lap dərinliklərinə qədər işləyir.. Hər sözə təsdiqlə, gülərək eyni zamanda  çəkinərək cavab verir.   Kiçik, dar,qaranlıq  bir çərçivədə təkcə  onun üçün var olan  dünyası  formalaşıb sanki .. Nələrdən, dərk etmənin yaşatdığı neçə və necə   zovglərdən məhrum olduğunu bəlkə də  heç bir zaman bilməyəcək, anlamayacaq.. Gələcəkdə yəqin ki, dəyişəcək və sərbəstləşəcək  "sərtləşəcək"..Amma öz qaynanası kimi bir qadının eynisinə, bəlkə də daha qəddar və ya "kor" birinə  çevrilməyəcəyini nə bilmək olar?   Ən çox təsir edən,  ağır gələn  əsas ailənin özünün savadsız olduğu halda gəlinə bunu qüsur görməsidir.Bəlkə də məqsədli seçimdir?  Daha primitiv düşüncəyə sahib olan birini daim göz önündə tutmaqla, onun özlərindən daha cahil durumda olduğunu daim vurğulayaraq  özlərini  daha üstün saymaq?  Amma bu qədər dərin düşünə biləcəklərinə belə inanmıram..   Gəlinin bütün baş verənləri  belə də olmalıdır düşüncəsi kimi qəbul etmə səbəbləri nə ola bilər  bəs?   Xarici görünüşünün biraz da baxımsızlıqdan könül oxşaya bilməyən  vəziyyətdə olması?   Valideynlərinin " Nə desələrdə, nə etsələrdə döz,otur,səsini çıxartma!" deməsi?   Kənddən rayona köçməsini bəlkə də  həyatının ən böyük uğuru sanması?     Kənddəki qohum əqrəbanın "bəxtəvər rayona köçüb" sözlərini əlində bayraq tutaraq təsəlli tapması?    Yoxsa ailə haqqında təsəvvürünün  elə bundan ibarət  olması?    Tanış-bilişin,  qohum-əqrəbanın "Halaldır  dözdü oturdu" -deyərək onun mütilik  və səbrinə  heyran olaraq öz qız gəlinlərinə nümunə göstərməsi?    Öz dəyərinin yalnız bu qədər münasibətə layiq olması?    Heç biri və yaxud hamısı?   Yoxsa sadəcə adı, sadə bir izah..savadsız olması?   Bu təzyiq və təhqirlər içərisində hər iki tərəfi yeganə narahat edən məsələnin bu cütlükdən bir körpənin dünyaya göz açması olduğuna niyəsə zərrə qədər də şübhəm yoxdur..  Nədənsə ağlıma Türkiyədə "Qızıl beyin" mükafatına layiq görülən, açılış mərasimindəki  nitqlərini həyəcan və qürur hissi ilə, gözlərimiz dolaraq izlədiyimiz azərbaycanlı Musayeva bacıları gəldi. Hansılar ki, bu statusa, bu səviyyəyə çatmalarına  ilk və əsas  səbəb kimi valideynlərini misal göstərir,onların əllərindən öpür , nailiyyətlərini daim onlardan gördükləri mənəvi dəstək və məsləhətlərlə birbaşa  əlaqələndirirdilər.   Bir tərəfdə onlar ..  Digər tərəfdə yenə valideyn seçimi nəticəsində kölə kimi öz taleyi ilə barışan, qalan həyatının yalnız bundan ibarət olacağını, ən yaxşı halda qaynana və yoldaşının zaman keçdikcə ona qarşı daha mərhəmətli davranacağını xəyal edən azərbaycanlı qızı..Onun valideynlərinə, ona layiq gördükləri,verdikləri  həyata görə  gələcəkdə minnətdar olub olmayacağı haqqında heç nə deyə bilmərəm. Onun gələcəyi ola biləcək indiki zamanda rastlaşa biləcəyimiz "N" sayda ailələr var..    İki nümunə.Iki gələcək ana..Həyatın ağ və qara üzü.. Hansı ki, hər birinə aid sonsuz sayda misallar çəkmək olar..Fərqli talelər,oxşar səbəblər!   Təhsil  bu qədər geniş təsirə, insanları  bu səviyyədə  dəyişdirə biləcək sehrli bir gücə malikdir !?..İnsanın daxilini işıqlandıraraq onu çırağa çevirər və sonra o insanın ətrafını işıqlandıraraq nura boyayar..