!=!DEVIL MAY CRY!=! [Off] (22.01.2022 / 20:26)
18-ci əsrdə İsveçə rəhbərlik etmiş kral III Gustav (1746-1792) qəti olaraq əmin idi ki, çay və qəhvə insan orqanizminə böyük zərər yetirir. 1746-cı ildə Kral fərman imzalayır. Bu fərmana görə, çay və qəhvə həvəskarları dövlət xəzinəsinə daha artıq vergi ödəməli idilər. Bir müddətdən sonra isə qəhvə tamamilə qadağan edilsə də, qəhvədən qeyri-qanuni yolla istifadə davam edirdi.
Vəziyyət belə olduqda qəzəblənmiş kral tərs qəhvə həvəskarlarına bu içkinin zərərini yaxşı bir nümunə ilə sübut etmək qərarına gəldi. Eksperiment üçün isə ağır cinayət törətdiklərinə görə edam cəzasına layiq görülmüş iki əkiz qardaş seçilir. Bu zaman edam cəzası ömürlük məhkumluqla əvəz edilir. Bununla yanaşı, qardaşlardan biri bütün ömrü boyunca hər gün çox miqdarda qəhvə, digər qardaş isə çay içməyə məhkum edilir. 
Cinayətkarların sağlamlıq vəziyyətlərinə nəzarət üçün iki həkim təyin edilmişdi. Bu həkimlər mütəmadi olaraq təcrübənin nəticələri ilə bağlı krala məlumat verməli idilər. İllər keçirdi. Lakin cinayətkarların ağır əzablar içərisində dünyasını dəyişdiyi barədə xəbər yayılmırdı. 
Eksperiment başa çatmamış həkimlərdən biri, bir neçə ildən sonra isə digəri dünyasını dəyişir. Kral III Gustav  1792-ci ildə İsveç kral operasında qətlə yetirilir. O sui-qəsdin qurbanı olur. 
Qardaşlara gəldikdə isə, onlar "təhlükəli" içkini içməkdə davam edirdilər. Çay içməyə məhkum edilmiş qardaş 83 yaşında, digər qardaş isə 88 yaşında dünyasını dəyişir.