Ardarazli [Off] (09.01.2024 / 20:48)
Eramızdan əvvəl 480-ci ildə İran çarı Kserks Yunanıstana qarşı yürüş etməyə hazırlaşır. Bunun üçün də o, ilk növbədə Hellespontu keçməli idi. Müasir dövrümüzdə Bosfor boğazı kimi tanıdığımız bu coğrafi yer Asiya və Hallipol yarımadasını bir-birindən ayırırdı. Nəhəng ordunu Hellespontdan keçirmək üçün Kserks  kətan və papirusdan hazırlanmış  pontonlar (müvəqqəti körpü və ya bir şeyi su üzərində saxlamaq üçün, yaxud da bərə kimi istifadə olunan yastıdibli gəmi, qayıq) tikməyi əmr edir. Lakin suyun dalğalı olduğundan və tufan pontonları sıradan çıxardır. Baş verənlərdən qəzəblənən Kserks qərara gəlir ki, Hellespont itaətsizliyinə görə cəzalandırılmalıdır. Buna görə o, dənizə 300 şallaq vurmağı əmr edir. Nəticədə  minlərlə fars döyüşçüsü suya girərək, qəzəblə suyu qamçılamağa başlayırlar. Kserks dənizin ram olunması üçün  hətta suya bir cüt qandal da atır.Qədim yunan tarixçisi Herodotun yazdığına görə, bununla qəzəbi soyumayan Kserks  pontonları quran birinci mühəndis briqadasının hamısının başının kəsilməsini əmr edir.