*__MiNCe__BisoU__* [Off] (24.01.2024 / 18:51)
Müşahidə etdiyim hər kəsdən, hər hadisədən anlamışam ki, qazanmaq üçün, ya da itirməmək üçün edilən bütün planlar, oyunlar, hətta fədakarlıqlar daha çox itirməyə, ən çox da özünü məhv etməyə səbəb olur…Sənə aid olduğunu hesab etdiyin insan, əşya, iş, ev, hətta övladla xoşbəxt yaşamaq üçün edilməli olanlar sadəcə çox sevmək, anlayış və doğruluqdur…“Yoxsa”lar, təhdidlər, xəstəliklər, yazıqlanmaqlar, qorxudaraq, metodlarla əlində saxlanılan hər şey bir balıq misali sürüşüb gedər... Eyni balığı dənizdə yenidən tutmağın mümkünsüzlüyü qədərdir sənin oyunlarının hətta o balığın balalarına da təsir etməyəcəyi…Yəqin ki, öz-özünə haqq axtarışındasan, fədakarlıq etdiyini düşünürsən… Özünlə tək qalanda bir düşün-adına fədakarlıq dediyin hər hansı bir əməlində “bunu edim ki, o da belə etsin” düşüncəsi ilə deyildisə bu gün niyə onları barmaq qatlayaraq sadalayırsan???Adını özünü müdafiə üçün qoyduğun bütün məqsədli edilən hər şey sənə cəfa, qarşı tərəfə isə şəfa ilə yaşayacağı bir hədiyyə etmiş oldun!Bəlkə də “haqq” deyə çalışıb uduzduqların başqasının ədalətidir ya da vaxtında əsirgədiyin dürüstlüyün cəzası...Hikkən, qəzəbin öz qabını yandırdıqca, düşmən gördüklərinə qarğış etdikcə öz bədbəxtliyini daha da dərinləşdirirsən.Uduzduqların, itirdiklərin uğruna özünü məhv etməyə bir badə yenə öz qanını iç, bir də təmizlənməyə bəs edərmi bilmirəm, amma yenə də sən bir qüsl da al, ölümlü dünyadır..