bal_qiz [Off] (21.10.2010 / 00:53)
Uzun və mübahisəli bir keçmişi olan qalstuklardan bu gün dünyada təqribən 650 milyon adam tərəfindən istifadə olunur. Bir ildə satılan qalstukların sayı isə 800 milyona yaxındır. Bəs qalstukların tarixi haqqında nə bilirik? Hər şeydən əvvəl onu deyək ki, qalstukları 1618-1648-ci illərdə baş verən məşhur 30 illik müharibənin yadigarı da saymaq olar.



DÖYÜŞ MEYDANINDAN MODAYA



1660-cı ildə Osmanlılar Avstriya ordusuna məğlub olduğu zaman Avstriya-Macarstan imperatorluğu daxilində olan Xırvatıstandan (Kroatia) bir qrup əsgər zəfərin qəhrəmanları olaraq Parisə aparıldılar və kralın hüzuruna çıxarıldılar. Bu əsgərlərin boğazlarına xanımları tərəfindən rəngli dəsmallar bağlamışdı. Əsgərlər bu yaylıqlara baxıb öz ailələrini yada salırdılar. Bu dəsmallar romalılar dövründə səs tellərini isti saxlamaq üçün taxılan dəsmallara oxşayırdı. Kral çox bəyəndi və özü də krallıq qalstukları taxan bir ordu qurdu.

Qalstuk sözü "Kroatdan" əmələ gəlib. Çox keçmədi bu moda İngiltərəyə sıçradı. O vaxtlar qalstuklar o qədər möhkəm bağlanmışdı ki, insanlar boyunlarını döndərmədən ətrafa baxa bilmirdilər. Amma onlar qılınc zərbəsindən boynu qoruyurdu. 1960-cı illərdə qalstuklar bir az gözdən düşsə də, 1970-ci illərdə populyarlığı artdı.

__siz nece qalstukdan istifade edirsinizmi?__