(S)(B)(D) [Off] (31.05.2012 / 13:50)
Peyğəmbəri Quran ölü deyil, diri bilir. Ayənin məzmunu: “Allah yolunda öldürülənlərə ölu deməyin, onlar diridir və Allahın yanında öz mükafatını alırlar, lakin siz bilmirsiz.” Peyğəmbərin eşitməsini sünni alimləri də iqrar edib( İmam Qəzali, Cəmaluddin Süyüti, İbni Həcər Əsqəlani, Fəxri Razi, İbni Əsakir və s. ) Sadəcə necə eşitməsində ixtilaf var. Məsələn, bəziləri deyir ki, mələklər bizim salamlarımızı və müraciətimizi çatdırır Rəsulullaha. Bəziləri deyir ki, özü eşidir. Amma bu, önəmli deyil, əsas onun eşitməsidir. Çoxusu namaza istinad edir. Həm sünnilər, həm də şiələr təşəhhüddə “Əssalamu aleykə ayyühənnəbi...” deyirlər. Diqqət eləsəz, orda xitab Peyğəmbərədir ,“kə” əvəzliyilə müraciət edilir, yəni SƏNƏ salam olsun, ey Peyğəmbər. Məsələn, “hu” əvəzliyilə müraciət olunmadı: assalamu aleyhi və rahmatullahi va barakatuh(salam olsun ONA). Ərəb dilində “kə” əvəzliyilə müraciət, müxatəbin hüzuruna və eşitməsinə dəlalət edir, əks təqdirdə (eşitməsə ya qayib olsa), “hu” əvəzliyi istifadə olunur.