ya114 [Off] (27.10.2010 / 10:54)
Anaya itaət


Veysəl Qərəninin qəlbi Peyğəmbər (s.ə.s)sevgisi ilə yanırdı. Yeganə arzusu Onu görmək, gözlərindən öpmək idi. Qəlbindəki bu eşq günü-gündən güclənir və həsrətini daha da artırırdı.
Günlərin biri xəstə anasına xahişlə deyir:" Anacan!İcazə versəydin, gedib sevgili Peyğəmbərimizi (s.ə.s) ziyarət edib gələrdim". Anası uzun-uzadı fikrə dalıb axırda deyir:" Get, amma bir şərtlə. Bir başa Allah peyğəmbərinin (s.ə.s) evinə gedib ziyarət etdikdən sonra evinə qayıdacaqsan. Onu başqa yerdə deyil, yalnız evində görməlisən". Veysəl Qərəni anasından izn alıb Mədinəyə gəlir. Peyğəmbərin (s.ə.s) evini xəbər alıb qapısına gəlir. Qapını Peyğəmbərin zövcəsi Aişə açır və onun kim olduğunu soruşur.
Veysəl cavab verir:" Mən Yəmənin Qərən kəndindən gəlmişəm, məqsədim Peyğəmbəri (s.ə.s) ziyarət etməkdir".
Aişə ona Peyğəmbərin (.ə.s) məsciddə olduöunu və Onu orada görə biləcəyini deyir. Veysəl Qərəni həsrətlə ah çəkərək deyir:" Anamın izni buraya qədər idi, gedə bilmərəm". Aişə ondan adını soruşur. O da cavabında deyir:"Adım Veysəldir, çobanlıq edib Allahın mənə nəsib etdiyi halal ruzumu qazanıram. Sevgili Peyğəmbəri (s.ə.s) ziyarət etmək üçün anamdan buraya qədər izn almışam. Görünür, onu görmək mənə nəsib deyil". Bunu deyib Vetsəl geri dönür. Peyğəmbər (s.ə.s) evə qayıdanda Aişədən soruşur:" Bizə Veysəl gəlmişdir?". Aişə cavab verir:"Bəli, ey Allahın Peyğəmbəri". Peyğəmbər (s.ə.s) sonra buyurur:"Bu dünyada ona məni görmək nəsib olmayacaq. Allah-Təala bununla onu imtahana çəkir".
Veysəl Qərəni anasının yanına qayıdır və başına gələnləri danışır. Anası ona deyir:" Qəm çəkmə, oğlum. Sən məni məmnun etdin, Allah da səni məmnun edəcək və sevgili Peyğəbərini (s.ə.s) o biri dünyada göröcəksən".