ya114 [Off] (27.10.2010 / 12:09)
Fərqinə varmalı


İnsan həyata və həyatda baş verənlərə biganə qalmamalı, hətta bəzən nəzərdən qacırdıqlarının da fərqinə varmalıdır. İnsan övladı özünün bir damla sudan necə yarandıgının fərqinə varmalıdır. Bir vaxtlar ana bətnində sığındığının, sonradan gen dünyaya sıgmadıgının və nəhayət, bir daha iki metrlik qəbir evinə necə sığacağının fərqinə varmalıdır. Ucu-bucağı görünməyən gen dünyanın axirətlə müqayisədə ana bətni qədər dar olduğunun fərqinə varmalıdır. Körpə ikən dünyanı özününkü bilib ovucunu mphkəm sıxdıgını və ölərkən əllərini hər şeydən üzüb iki yana uzadacağının fərqinə varmalıdır.
Dünya həyatında ciblərinin doldurdugunun, axirət paltarı olan kəfənın isə cibləri olmayacağının fərqinə varmalıdır. Əzrail hər an görüşünə gələcəyin və öləcəyinin fərqinə varmalıdır. Ölməzdən əvvəl bir gün öləcəyinin fərqinə varmalıdır. Heyvanların yol kənarında tapdığı yemək qalıqları yediyinin, özünün isə gözəl və təmiz süfrə arxasında nahar etdiyinin fərqinə varmalıdır. Yaradılmışların ən üstünü olduğunun fərqinə varmalı və bu ruhda yaşamalıdır. Evində dörd pişik, iki it bəsləyib övlad sahibi ilmadığının fərqinə varmalıdır. İyirmi beş köynəkdən sadəcə, ücünü geyindiyini, divar qonşunun isə dəyişəcək paltarın olmadığının fərqinə varmalıdır. Bu gün yediyin xörəyi səhəri gün bəyənmədiyinin, qonşusunun isə çörək qırıntıları yığdığının fərqinə varmalıdır.
Dünyaya sağlam gəlib ciyərlərini Əzrailə turşu borusu kimi təhvil verdiyinin və əmanətə necə xəyanət etdiyinin fərqinə varmalıdır. 63 il ömür sürən Peyğəmbərin (s.ə.s) bir gün olsa belə, qarındolusu xörək yemədiyinin, amma özünün hər gün nə qədər israfçılıq etdiyinin fərqinə varmalıdır. Həyat adlanan zaman anlamı üc gündən ibarətdir: dünənimiz ötüb kecmiş, bu günümüz getməkdədir, sabahınız isə əsla bəlli deyil. Deməli, həyat, əslində, üç deyil, bir gündür.

Onun qədrini bilməyə dəyməzmi?