ya114 [Off] (27.10.2010 / 12:28)
Mizanul-hikmət
İffət

1. İffətli olmağa həvəsləndirmək



Quran:
«Evlənməyə qüvvəsi olmayanlar, Allah öz lütfü ilə onlara dövlət verənə qədər iffətli olsunlar». (Nur surəsi, ayə 33)
«O qədər iffətlidirlər ki, kimsə hallarından xəbərdar olmasa onların qüdrətli olduğunu sanar». (Bəqərə surəsi, ayə 237)
Hədis:
1. Allahın Peyğəmbəri (s): «Allah həyalı və mətanətli insanı sevər və həyasız, inadkar dilənçiyə nifrət edər». (Əmali Tusi, səh.39, hədis 43)
2. İmam Əli (ə): «Allah yolunda cihad edib şəhid olan kimsənin əcri, günah etməyə qadir olsa da, iffətli olanın əcrindən çox deyil. Pak, iffətli insan Allahın mələklərindən olmağa yaxındır». (Nəhcül-bəlağə, hikmət 474)
3. İmam Əli (ə): «İffət hər yaxşılığın başıdır». (Ğurərul-hikəm, hədis 1168)
4. İmam Əli (ə): «İffət ən yüksək alicənablıqdır». (Ğurərul-hikəm, hədis 529)
5. İmam Əli (ə): «İffət nəfsi qoruyur və onu alçaqlıqdan uzaq saxlayır». (Ğurərul-hikəm, hədis 1989)
6. İmam Əli (ə): «Gözəlliyin zəkatı iffətli olmaqdır». (Ğurərul-hikəm)
7. İmam Sadiq (ə): «Camaatın arvadlarına qarşı iffətli olun ki, sizin arvadlarınıza qarşı da iffətli olsunlar». (əl-Xisal, səh.55, hədis 75)

2. Qarınqululuq və şəhvətdən iffətə həvəsləndirmək


1. Allahın Peyğəmbəri (s): «Mənim ümmətimin çoxu iki səbəbdən oda atılar: qarın və ayıb yeri». (əl-Kafi, c.2, səh.79, hədis 5)
2. Allahın Peyğəmbəri (s): «Musa (ə) ayıb yerini və qarnının yeməyini pak saxlamağın müqabilində, özünü səkkiz və ya on il müddətinə muzdura çevirdi». (Sunəni ibn Mace, hədis 2444)
3. İmam Baqir (ə): «Allaha, qarnını və ayıb yerini pak saxlamaqdan üstün bir ibadət edilməmişdir». (əl-Kafi, c.2, səh.79, hədis 1)

3. İffətin kökü


1. İmam Əli (ə): «İffətin kökü qənaətdir, meyvəsi isə qəm-qüssənin azalması». (4232 hədisə müraciət edin və diqqət yetirin)
2. İmam Əli (ə): «Maaşa şad olmaq sonda iffətə (və haram maldan iffət gözləməyə) səbəb olar». (Mətalibus-Suul, hədis 50)
3. İmam Əli (ə): «Kişinin dəyəri və əndazəsi onun zəhmətinin əndazəsiylədir....Onun paklığı isə qeyrəti qədərdir». (Ğurərul-hikəm, hədis 1512)
4. İmam Əli (ə): «Hər kim ağıllı olsa, iffətli olar». (Nəhcül-bəlağə, hikmət 47)

4. İffətin meyvəsi

1. Allahın Peyğəmbəri (s): «İffətdən şaxələnən təvazökarlıq, faydalanma, asayiş, itaətkarlıq, təfəkkür, bağışlama və səxavət olar. Bunlar Allahdan və Onun qismətindən razı olan ağıllı insana dindarlığı səbəbindən hasil olan xislətlərdir». (Ğurərul-hikəm, hədis 7646)
2. İmam Əli (ə): «İffət şəhvəti aciz qoyar». (Tuhəful-uqul, səh.17)
3. İmam Əli (ə): «İffətin meyvəsi qənaətdir». (Ğurərul-hikəm, hədis 2148)
4. İmam Əli (ə): «İffətin meyvəsi özünü saxlamaqdır». (Ğurərul-hikəm, hədis 4637)
5. İmam Əli (ə): «Hər kim iffətli olsa, günah yükü yüngülləşər və Allahın yanında məqamı yüksələr». (Ğurərul-hikəm, hədis 8597)
6. İmam Əli (ə): «Əməllər iffətlə paklaşar (və ya çoxalar və onların mükafatı artar)». (Ğurərul-hikəm, hədis 4238)