Ehli_muslim [Off] (22.09.2012 / 21:10)
Daha sonra buraları çox yaxşı tanıyan Habbab bin Münzirin (Allah ondan razı olsun )təklifi ilə ordunun qərargahı dəyişdirilib Bədr kəndinin ən sonundakı quyunun arxasına keçirildi. Rəsulullah (Allahın ona salavat və salamı olsun) əlini qana bulamaq istəmədiyindən ona ordunun sonunda bir çadır quruldu. Çadırın qapısında Sad binMuaz (Allah ondan razı olsun ) keşik çəkirdi. Məkkəli müşriklər zirehlər içərisində idilər. Sayları da 1000 nəfərə yaxın idi. Bunun yüz nəfəri süvari, yeddi yüzü dəvəli və geri qalanları piyada idi. Bu say İslam ordusunun üç qatı idi.

Tarix heç bir zaman bu dərəcədə anlamlı bir savaşa şahid olmamışdı. Bir tərəfdə möminlərin dostu Əbu Bəkir (Allah ondan razı olsun), digər tərəfdə müşrik səflərinda yer alan oğlu Abdurrahman, bir tərəfdə müşrik ordusu komandanı, Ütbə bin Rabia , qarşısında oğlu Hüzeyfə (Allah onlardan razı olsun )dayanmışdı. Rəsulullahın (Allahın ona salavat və salamı olsun) əmisi Abbas və kürəkəni Əbul As (Zeynəbin yoldaşı)(Allah onlardan razı olsun ) da müşriklərin arasında idi. Aqil isə qardaşı Əliyə (Allah ondan razı olsun ) qarşı müşrik ordusunda yer almışdı.